आधी राम राम ठोकला ! आता पवारांच्या मदतीने नितीश कुमार मोदींच्या विरोधात दंड थोपटणार?
एनडीएतून बाहेर पडल्यानंतर नितीश कुमार पुन्हा एकदा मुख्यमंत्रीपदी विराजमान झाले. यानंतर नितीश कुमार यांनी शरद पवार यांची भेट घेतली. शरद पवार हे विरोधी पक्षांची मोट बांधत आहेत. यामुळे आज नितीश कुमार यांनी घेतलेली भेट लक्षवेधी ठरली आहे.
नवी दिल्ली : एनडीएतून बाहेर पडल्यानंतर बिहारचे मुख्यमंत्री नितीश कुमार(Bihar CM Nitish Kumar) यांनी राष्ट्रवादीचे सर्वेसर्वा शरद पवार(NCP chief Sharad Pawar) यांची भेट घेतली. दिल्लीतील शरद पवारांच्या निवासस्थानी नितीश कुमार हे भेटीसाठी पोहोचले आले होते. नरेंद्र मोदी यांची साथ सोडल्यानंतर किंबहुना एनडीएतून बाहेर पडल्यानंतर नितीश कुमार हे आता शरद पवार यांच्या भेटीला पोहोचल्याने दिल्लीत राजकीय घडामोडींना वेग आला आहे. 2024 मध्ये होणाऱ्या लोकसभा (Lok Sabha Elections 2024) निवडणुकीची जोरदार तयारी विरोधी पक्षांकडून सुरु झाली आहे. शरद पवारांच्या मदतीने नितीश कुमार मोदींच्या विरोधात दंड थोपटणार आहेत.
एनडीएतून बाहेर पडल्यानंतर नितीश कुमार पुन्हा एकदा मुख्यमंत्रीपदी विराजमान झाले. यानंतर नितीश कुमार यांनी शरद पवार यांची भेट घेतली. शरद पवार हे विरोधी पक्षांची मोट बांधत आहेत. यामुळे आज नितीश कुमार यांनी घेतलेली भेट लक्षवेधी ठरली आहे.
भाजप विरोधात मोहिम आखण्यासाठी शरद पवार देशभरातील विरोधी पक्ष नेत्यांची फळी उभारण्याचा प्रयत्न करत आहेत. या आधी राहुल गांधींनी शरद पवारांची भेट घेतली होती. त्यासोबतच विरोधी पक्षातील जे महत्त्वाचे नेते आहेत शरद पवार यांची भेट घेत आहेत.
मोदींविरोधात पंतप्रधान पदाचा प्रबळ दावेदार निवडण्याबाबत अद्याप विरोधी पक्षातील नेत्यांमध्ये एकमत झाले नसले तरी मोदींना पाय उतार करण्याचा प्लान विरोधी पक्ष आखत आहे.
Bihar CM Nitish Kumar meets NCP chief Sharad Pawar, in Delhi pic.twitter.com/OvT3MS8Cga
— ANI (@ANI) September 7, 2022
दुसरी कडे भाजपचे दिग्गज नेते थेट बारामतीत येऊन पवार कुटुंबीयांना टार्गेट करण्याची भाषा करत महाराष्ट्र मिशनची घोषणा करत आहेत. त्यातच पवारांनी थेट मोदींनाचा नितीश कुमारांच्या माध्यमातून धक्का देण्याची तयारी केलीय का? अशी चर्चा सुरु झाली आहे.
