CJP Delhi Protest : सरकारशी चर्चा नाहीच, आधी फक्त…CJP ची नवी भूमिका, जंतर-मंतरवर काय घडतंय?
जंतर मंतरवर अजूनही तरूण आंदोलन करतच आहेत. जोपर्यंत केंद्रीय शिक्षणमंत्री धर्मेंद्र प्रधान यांचा राजीनामा होत नाही, तोपर्यंत आंदोलन चालूच राहील, अशी मागणी आंदोलकांकडून केली जात आहे. दुसरीकडे सरकार मात्र आम्ही चर्चेसाठी तयार आहोत, असे सातत्याने सांगत आहे. असे असतानाच आता कॉकरोच जनता पार्टीची भूमिका समोर आली आहे.
CJP Delhi Protest : कॉकरोच जनता पार्टीने उभे केलेल्या आंदोलनाला संपूर्ण देशात चांगला प्रतिसाद मिळतोय. दिल्लीत 20 जुलै रोजी पोलिसांनी तरुणांवर केलेल्या लाठीचार्जनंतर देशात संताप व्यक्त केला जात आहे. महाराष्ट्रातही मुंबईत तरुणांनी गर्दी करत आंदोलन केले. दुसरीकडे जंतर मंतरवर अजूनही तरूण आंदोलन करतच आहेत. जोपर्यंत केंद्रीय शिक्षणमंत्री धर्मेंद्र प्रधान यांचा राजीनामा होत नाही, तोपर्यंत आंदोलन चालूच राहील, अशी मागणी आंदोलकांकडून केली जात आहे. दुसरीकडे सरकार मात्र आम्ही चर्चेसाठी तयार आहोत, असे सातत्याने सांगत आहे. असे असतानाच आता कॉकरोच जनता पार्टीची भूमिका समोर आली आहे.
कॉकरोच जनता पार्टीची भूमिका काय?
कॉकोच जनता पार्टीसोबत आम्ही कोणत्याही विषयावर चर्चा करण्यासाठी तयार आहोत, असे सरकारने सांगितले आहे. दुसरीकडे जंतर मंतरवर आंदोलन करणाऱ्या आणि सध्या रुग्णालयात उपचार घेणाऱ्या सोनम वांगचूक यांच्याशीही सरकारचे बोलणे सुरू आहे. केंद्रीय मंत्री जेपी नड्डा यांनी वांगचूक यांची भेट घेतली होती. कॉकरोच जनता पार्टीच्या प्रतिनिधींनीही आमच्यासोबत चर्चा करावी, आवाहन मोदी सरकारने केले आहे. कॉकरोच जनता पार्टीने चर्चेचे ठिकाण निवडावे, वेळ निवडावी तिथे आम्ही चर्चा करण्यास तयार आहोत, असेही सरकारने म्हटलेले आहे. परंतु सूत्रांच्या माहितीनुसार कॉकरोच जनता पार्टीने मात्र जेपी नड्डा यांच्याशी चर्चा करण्यास नकार दिला आहे.
तरुणांच्या भावनांवर स्वार होऊन…
सरकारला या आंदोलनावर लवकरात लवकर तोडगा काढायचा आहे. परंतु सीजेपीला धर्मेंद्र प्रधान यांचा राजीनामा हवा आहे. दिल्लीत सुरू असलेल्या या आंदोलनावर केंद्रीय मंत्री गजेंद्र सिंह शेखावत यांनी प्रतिक्रिया देत गंभीर आरोप केलाय. तरुणांच्या भावनांवर स्वार होऊन काही लोक आपला राजकीय फायदा करून घेत आहेत. आंदोलन भडकवण्याचे काम केले जातेय, असे ते म्हणाले. तसेच सरकार चर्चेसाठी तयार असल्याचेही त्यांनी सांगितले.
प्रकरण फास्ट ट्रॅक कोर्टात चावलणार
दरम्यान, आता पंतप्रधान नरेंद्र मोदी यांनीदेखील दिल्लीत सुरू असलेल्या आंदोलनाची दखल घेत सोशल मीडियाच्या माध्यमातून मोठी घोषणा केली आहे. नीट पेपर लीकमधील दोषींना शिक्षा व्हावी यासाठी सरकार हे प्रकरण फास्ट ट्रॅक कोर्टात चावलणार आहे, असे मोदी यांनी सांगितले आहे. त्यावरही आम्हाला धर्मेंद्र प्रधान यांचा राजीनामा हवाय, सा पुनरोच्चार सीजेपीने केला आहे. त्यामुळे आता काय होणार, हे पाहणे महत्त्वाचे ठरणार आहे.
