ममता बॅनर्जी यांचे लहान बंधू असीम बॅनर्जींचा कोरोनाने मृत्यू

कोलकाता: पश्चिम बंगालच्या मुख्यमंत्री ममता बॅनर्जी यांचे छोटे बंधू असीम बॅनर्जी यांचा कोरोनाने मृत्यू झाला आहे. कोरोनाची लागण झाल्यानंतर त्यांना कोलकाताच्या मेडिका रुग्णालयात दाखल करण्यात आले होते. उपचार सुरू असतानाच आज त्यांची प्राणज्योत मालवली. (CM Mamata Banerjee’s younger brother Ashim Banerjee dies of COVID-19)

असीम यांना कोरोना झाल्यानंतर त्यांना मेडिका रुग्णालयात दाखल करण्यात आलं होतं. गेल्या एक महिन्यांपासून ते रुग्णालयात अॅडमिट होते. त्यांचं ऑक्सिजन लेव्हलही कमी झालं होतं. आज सकाळीच कोरोना नियमांचं पालन करत निमाताला स्मशानभूमीत त्यांच्या पार्थिवावर अंत्यसंस्कार करण्यात आले. असीम हे कालीघाट येथे राहत होते.

ऑक्सिजन लेव्हल कमी झाली

असीम यांना काही दिवसांपूर्वी कोरोना झाला होता. त्यांची तब्येत बिघडल्याने त्यांना रुग्णालयात दाखल करण्यात आले होते. त्यांचं ऑक्सिजन लेव्हल कमी झाल्याने आज त्यांचा मृत्यू झाला, असं कोलकाताच्या सुपरस्पेशालिटी हॉस्पिटल मेडिकाचे चेअरमन डॉ. आलोक रॉय यांनी सांगितलं.

रोज शंभरहून अधिक मृत्यू

निवडणुकीनंतर पश्चिम बंगालमध्ये कोरोना रुग्णांची संख्या झपाट्याने वाढली आहे. राज्यात गेल्या 24 तासात 20 हजार 748 रुग्ण सापडले आहेत. तसेच राज्यात एकूण दीड लाखाहून अधिक लोकांना कोरोनाची लागण झाली आहे. त्याशिवाय राज्यात गेल्या 11 दिवसांपासून 100 हून अधिक रुग्णांचा रोज मृत्यू होत आहे. चार दिवसांपूर्वी राज्यात एका दिवसात 138 लोकांचा मृत्यू झाला होता. त्यामुळे राज्यातील कोरोना बळींची संख्या 12,993 वर गेली आहे.

इतर देशांच्या तुलनेत भारताची स्थिती चिंताजनक

दरम्यान, जागतिक आरोग्य संघटनेने कोरोनावरून भारताला सावधानतेचा इशारा दिला आहे. जागतिक आरोग्य संघटनेचे (WHO) प्रमुख टेड्रोस अदनोम घेब्रेयियस (Tedros Adnom Ghebreyus) यांनी दिलेल्या माहितीनुसार, WHO कडून कोव्हिड 19 च्या वाढत्या प्रादुर्भावाला आळा घालण्यासाठी प्रयत्न केले जात आहे. यासाठी भारताला मदतही दिली जात आहे. अनेक ठिकाणी तात्पुरते रुग्णालय, हजारो ऑक्सिजन केंद्र, मास्क आणि इतर वैद्यकीय सेवांचा पुरवठा केला जात आहे. इतर देशांच्या तुलनेत भारताची स्थिती ही चिंताजनक आहे. भारतातील अनेक राज्यात कोरोना रुग्ण, रुग्णालयात उपचारासाठी दाखल होणाऱ्यांची संख्या, मृत्यूची संख्या वाढत आहेत. त्यामुळे बिकट परिस्थिती निर्माण झाली आहे. (CM Mamata Banerjee’s younger brother Ashim Banerjee dies of COVID-19)

MahaFast News 100 | महाफास्ट न्यूज 100 | 7 AM | 15 May 2021 https://t.co/UNgYphF9pi #News

— TV9 Marathi (@TV9Marathi) May 15, 2021

संबंधित बातम्या:

ये पब्लिक है, सब जानती है!, देवेंद्र फडणवीस यांचे सोनिया गांधींना पत्र

खासदार राजीव सातव यांची प्रकृती स्थिर, 23 दिवसांपासून व्हेटिंलेटरवर

कोरोना रुग्णांच्या उपचारात गेमचेंजर ठरणार ‘हे’ औषध; लवकरच 10 हजार डोस उपलब्ध होणार

(CM Mamata Banerjee’s younger brother Ashim Banerjee dies of COVID-19)