सर्वसामान्यांना तगडा झटका, घरगुती सिलींडरच्या दरात वाढ, आता इतके रुपये मोजावे लागतील
केंद्र सरकारने स्वयंपाकाच्या सिलींडरच्या दरात वाढ केली आहे. शेवटचा गॅस सिलींडरमध्ये ९ मार्च २०२४ रोजी बदल झाला होता. आता एक वर्षानंतर केंद्राने घरगुती गॅस सिलींडरचे दर वाढवले आहेत.
केंद्र सरकारने घरगुती गॅस सिलिंडरच्या दरात ५० रुपयांची वाढ केली आहे. केंद्र सरकारने एलपीजी सिलीडरची किंमत ₹५० ने वाढवून ₹८५३ केली आहे. उज्ज्वला योजनेअंतर्गत, अनुदानित सिलींडरची किंमत ₹५५० झाली आहे. या दरवाढीचा फटका कोट्यवधी ग्राहकांवर होणार आहे. दिल्ली, कोलकाता, मुंबई आणि चेन्नईमध्येही किंमती वाढल्या आहेत.
केंद्र सरकारने वर्षभर घरगुती गॅस सिलिंडरच्या दरात कोणताही बदल केलेला नव्हता गॅस सिलिंडरच्या किमतीत शेवटचा बदल ९ मार्च २०२४ रोजी करण्यात आला होता. त्यानंतर सरकारने गॅस सिलिंडरच्या किमतीत १०० रुपयांची कपात केली होती. विशेष म्हणजे मार्च २०२३ नंतर घरगुती गॅस सिलिंडरच्या किमतीत वाढ झाली आहे. गॅस सिलेंडरच्या किमतीत ५० रुपयांची वाढ करण्यात आली आहे. दुसरीकडे, सरकारने पेट्रोल आणि डिझेलच्या किमतींबाबतही भाष्य केले आहे. पेट्रोल आणि डिझेलच्या किमती लवकरच कमी होऊ शकतात असे सरकारने म्हटले आहे.
हरदीप सिंग पुरी काय म्हणाले ?
केंद्र सरकारने एलपीजी सिलीडरच्या किमतीत ₹ 50 ची वाढ जाहीर केली आहे.आता घरगुती गॅस सिलेंडरची किंमत ₹८०३ वरून ₹८५३ झाली आहे. उज्ज्वला योजनेच्या लाभार्थ्यांसाठीही अनुदानित सिलेंडरची किंमत ₹ 500 वरून ₹ 550 करण्यात आली आहे. या वाढीचा देशभरातील कोट्यवधी ग्राहकांना फटका बसणार आहे. एलपीजी सिलीडरच्या किंमतीत प्रति सिलेंडर ५० रुपयांनी वाढ होणार आहे. PMUY लाभार्थ्यांसाठी ५०० रुपयांवरून ते ५५० रुपयांपर्यंत आणि इतर सर्वसामान्यांसाठी ही दरवाढ ८०३ रुपयांवरून ८५३ रुपयांपर्यंत असणार असल्याचे पेट्रोलियम मंत्री हरदीप सिंग पुरी यांनी म्हटले आहे.
मार्च 2023 नंतर झाली दरवाढ
घरगुती गॅस सिलींडरच्या दरात मार्च 2023 वाढ झाली होती. मार्च 2023 नंतर प्रथमच घरगुती गॅस सिलींडरचे दर 50 रुपयांनी वाढले आहेत. तेव्हा घरगुती गॅस सिलींडरची किंमत 1053 रुपयांनी वाढून 1103 रुपये झाली होती. 1 जून 2021 पासून ते 1 मार्च 2023 पर्यंत घरगुती गॅस सिलींडरच्या किंमतीत लागोपाठ 10 वेळा वाढ झालेली आहे. त्यावेळी गॅस सिलींडरच्या किंमतीत 294 रुपयांची वाढ झाली होती.
