ED Action on DK Shivakumar: काँग्रेसमध्ये पडझड सुरू असतानाच EDची कर्नाटकात मोठी कारवाई; अध्यक्ष डीके शिवकुमार यांच्यावर आरोपपत्र दाखल

बंगळूरू : काँग्रेसमध्ये (Congress)पडझड सुरू अनेक दिग्गज काँग्रेसचा साथ सोडत आहे. त्यातच आता कर्नाटक काँग्रेसचे अध्यक्ष डीके शिवकुमार (DK Sivakumar)यांच्यावर लवकरच कडक कारवाई होऊ शकते. अंमलबजावणी संचालनालयाने (ED)कथित मनी लाँड्रिंग प्रकरणात शिवकुमार आणि इतरांविरुद्ध आरोपपत्र दाखल केले आहे. आयकर विभागाने दाखल केलेल्या तक्रारीच्या आधारे ईडीने दाखल केलेल्या मनी लाँड्रिंग प्रकरणात शिवकुमार सध्या जामिनावर बाहेर आहेत. तपास एजन्सीचा दावा आहे की शिवकुमार यांच्या 800 कोटी रुपयांच्या मालमत्तेचा कोणताही हिशेब नाही, त्यामुळे त्यांच्याविरुद्ध हे आरोपपत्र दाखल करण्यात आले आहे. त्याचवेळी आरोपपत्र दाखल झाल्यानंतर डीके शिवकुमार म्हणाले की, माझा कायद्यावर विश्वास आहे. मला माहित आहे की मला न्याय मिळेल. या सर्व कारवाया राजकीय हेतूने केल्या जात आहेत. तर या प्रकरणात शिवकुमार सध्या जामिनावर बाहेर आहेत.

Enforcement Directorate has filed a chargesheet against Karnataka Congress president DK Shivakumar and others in an alleged money laundering case.

हे सुद्धा वाचा

Karnataka : माजी मुख्यमंत्री येडियुरप्पा यांना मोठा झटका, भाजपने कापले मुलाचे तिकीट

Photo: कर्नाटकात शरद पवारांचे जंगी स्वागत; डी. के. शिवकुमार यांनी केले स्वागत, कर्नाटकचे मुख्यमंत्रीही भेटीला

‘ईडी’कडून काँग्रेसच्या आणखी एका मोठ्या नेत्याला अटक

बंडखोर आमदारांच्या मनधारणीसाठी कर्नाटक मुख्यमंत्री मुंबईत?

Shivakumar is presently on bail in the money laundering case registered by ED based on a complaint filed by I-T Dept pic.twitter.com/MqbNzhOW2T

— ANI (@ANI) May 26, 2022

2018 चे प्रकरण

फेडरल इन्व्हेस्टिगेशन एजन्सीने सप्टेंबर 2018 मध्ये शिवकुमार, ए हौमंथैया, नवी दिल्लीतील कर्नाटक भवनचे कर्मचारी आणि इतरांविरुद्ध मनी लाँड्रिंगचा गुन्हा नोंदवला होता. हा खटला आयकर विभागाने शिवकुमार आणि इतरांविरुद्ध दिल्ली न्यायालयात कथित करचोरी आणि हवाला व्यवहारांसाठी दाखल केलेल्या आरोपपत्रावर आधारित होता. तर हा खटला आयकर विभागाने शिवकुमार आणि इतरांविरुद्ध बंगळुरू न्यायालयात कथित करचोरी आणि हवाला व्यवहारांसाठी दाखल केलेल्या आरोपपत्रावर आधारित होता.

आरोप काय आहे?

आयकर विभागाने शिवकुमार आणि त्यांचे सहकारी एसके शर्मा यांच्यावर तीन अन्य आरोपींच्या मदतीने हवाला चॅनेलद्वारे नियमितपणे मोठ्या प्रमाणात बेहिशेबी रक्कम इकडे-तिकडे केल्याचा आरोप केला आहे. 60 वर्षीय शिवकुमार यांना 2019 मध्ये ईडीने या प्रकरणात अटक केली होती. तर त्यावेळी एजन्सीने त्यांची मुलगी ऐश्वर्या आणि काँग्रेस आमदार लक्ष्मी हेब्बाळकर यांच्यासह अनेक लोक आणि सहयोगींची चौकशी केली होती. या प्रकरणात शिवकुमार सध्या जामिनावर बाहेर आहेत.