पाकिस्तानच्या 93 हजार सैनिकांची शरणागती…; भारतीय खेळाडूने आफ्रिदी दाखवला आरसा
शाहिद आफ्रिदीने पहलगाम दहशतवादी हल्ल्यानंतर भारताकडून पाकिस्तानचा हात असल्याचे पुरावे मागितले होते आणि भारतीय सैन्याबाबत अपमानास्पद टिप्पणी केली होती. यावर शिखर धवनने त्याला सणसणीत उत्तर दिले होते. आता एका भारतीय बॉक्सरने त्याच्यावर आतापर्यंतचा सर्वात मोठा हल्ला केला आहे.
पहलगाम दहशतवादी हल्ल्यामुळे भारत आणि पाकिस्तान यांच्यातील तणाव वाढत असताना शाहिद आफ्रिदीने वादग्रस्त वक्तव्य केले होते. त्याने सर्व मर्यादा ओलांडत भारतीय सैन्याबाबत अपशब्द वापरले होते. यावर माजी भारतीय क्रिकेटपटू शिखर धवनने त्याला जोरदार प्रत्युत्तर दिले होते. धवनने आफ्रिदीवर पलटवार करत कारगिल युद्धात पाकिस्तानच्या दारुण पराभवाची आठवण करून दिली होती. आता जागतिक चॅम्पियनशिप पदक विजेता बॉक्सर गौरव बिधुरीने आफ्रिदीवर आतापर्यंतचा सर्वात मोठा हल्ला केला आहे. त्याने आफ्रिदीला 1971 च्या युद्धात भारतीय सैन्यासमोर 93,000 पाकिस्तानी सैनिकांनी शरणागती पत्करल्याची आठवण करून दिली. गौरवने आयपीएल आणि पीएसएलचे उदाहरण देत दोन्ही देशांतील खेळाच्या स्थितीतील फरक दाखवून आफ्रिदीला आरसा दाखवला आणि त्याची बोलती बंद केली.
गौरव बिधुरीचा पलटवार
शाहिद आफ्रिदीने समा टीव्हीला दिलेल्या मुलाखतीत भारतीय सैन्याबाबत अपमानास्पद टिप्पणी केली होती. तो म्हणाला होता की, काश्मीरमध्ये 8 लाख भारतीय सैनिक तैनात आहेत, तरीही पहलगाम येथील हल्ला थांबवण्यासाठी त्यांना काहीही करता आले नाही. यावर गौरव बिधुरी म्हणाला, “पहलगाम येथील हल्ल्यांमुळे संपूर्ण देश अजूनही धक्क्यात आहे आणि भारत सरकारने उचललेल्या पावलांनी पाकिस्तानी लोकांना वेड लावलं आहे. मी तुम्हाला आठवण करून देऊ इच्छितो की, 1971 मध्ये 93,000 पाकिस्तानी सैनिकांनी आमच्या सैन्यासमोर शरणागती पत्करली होती, त्यामुळे कृपया आम्हाला सामर्थ्याबाबत शिकवण्याचा प्रयत्न करू नका.”
वाचा: पाकिस्तानात अशांतीच अशांती! भारताशी युद्ध झालं तर काय होईल परिणाम? ISI प्रमुखांनी केली पोल
आफ्रिदीने पहलगाम हल्ल्यात पाकिस्तानचा हात असल्याचे पुरावे मागितले होते. यावर गौरव बिधुरी म्हणाला, “जेव्हा पुरावे मागितले जातात, तेव्हा आम्ही तुमच्यासमोर ते का सिद्ध करावं? संपूर्ण जगाला माहीत आहे की, पाकिस्तान दहशतवादी संघटनांना पाठिंबा देत आहे. पाकिस्तानस्थित बेकायदेशीर लष्कर-ए-तैयबाच्या ‘द रेझिस्टन्स फ्रंट’ने या हल्ल्याची जबाबदारी स्वीकारली आहे.”
आयपीएल आणि पीएसएलच्या माध्यमातून दाखवला आरसा
शाहिद आफ्रिदीने मुलाखतीत खेळाच्या माध्यमातून कूटनीती आणि संबंध सुधारण्याचा सल्ला दिला होता. त्याला यावर खूप विश्वास असल्याचे त्याने सांगितले होते. पण गौरव बिधुरीने त्याची पोल खोल केली. तो म्हणाला, “तुम्ही खेळ कूटनीतीबाबत बोलत होता, म्हणून मी सांगू इच्छितो की, नुकतेच नीरज चोप्राने तुमच्या ऑलिम्पिक चॅम्पियन नदीमला आमंत्रित केले होते, त्यामुळे आम्हाला खेळभावनेबाबत ज्ञान देऊ नका.”
तो पुढे म्हणाला, “तुमच्याकडे पीएसएल आहे, आमच्याकडे आयपीएल आहे. पाहा, जग कुठे खेळतंय. तुम्ही सांगितलं की, भारतात तुम्हाला कशा धमक्या मिळाल्या. पण जग इथे खेळतंय, पण कोणी तिथे येत नाही. स्पष्ट दिसतंय की, तुम्ही वेडे झाला आहात. पण जगाला माहीत आहे की, पाकिस्तान काय आहे.”
