VIDEO : हिमाचल प्रदेशात नॅशनल हायवेवर दरड कोसळली, ढिगाऱ्याखाली बस आणि दोन कार, भयानक थरार
हिमाचल प्रदेशच्या सांगला व्हॅलीत दरड कोसळण्याची घटना ताजी असतानाच आणखी एक दुर्घटनेची घटना समोर आली आहे. हिमाचल प्रदेशाच्या किन्नोर येथे नॅशनल हायववेर दरड कोसळली आहे.
शिमला : हिमाचल प्रदेशच्या सांगला व्हॅलीत दरड कोसळण्याची घटना ताजी असतानाच आणखी एक दुर्घटनेची घटना समोर आली आहे. हिमाचल प्रदेशाच्या किन्नोर येथे नॅशनल हायववेर दरड कोसळली आहे. या दुर्घटनेनंतर संबंधित परिसरातील रस्ता उद्ध्वस्त झाला आहे. तसेच एक बस आणि दोन कार ढिगाऱ्याखाली अडकले आहेत. संबंधित घटना ही आज (11 ऑगस्ट) दुपारी दोनच्या सुमारास घडली आहे. अजूनही डोंगरावरील काही दगडं खाली पडत आहेत. या दुर्घटनेत जवळपास 40 जण ढिगाऱ्याखाली अडकल्याची भीती वर्तवण्यात आली आहे.
घटनेचे व्हिडीओ सोशल मीडियावर व्हायरल
संबंधित घटना ही किन्नौर जिल्ह्यातील चौरा येथील नॅशनल हायवेवर घडली आहे. या घटनेनंतर परिसरात एकच खळबळ उडाली आहे. घटनेचे काही व्हिडीओ देखील समोर येत आहेत. या दुर्घटनेत ढिगाऱ्याखाली अडकलेली बस ही किन्नोरहून शिमलाच्या दिशेला निघाली होती. या दरम्यान चौरा येथे भूस्खलनाची घटना घडली.
#HimachalPradesh के #kinnaur में फिर टूटा पहाड़
NH निगुलसरी के पहाड़ी गिरने से सवारी से भरी बस और ट्रक की दब गए गई कुछ छोटे वाहन भी फंसे होने की भी आशंका बस में कितने लोग है जनकारी नहीं प्रशासन मौके की रवाना pic.twitter.com/UjOSUsIDm8
— PANDEY ISHTKAM ?️?? (@IshtkamPandey) August 11, 2021
बचाव पथकाचं युद्ध पातळीवर काम सुरु
घटनेची माहिती मिळताच स्थानिक प्रशासन सतर्क झालं आहे. घटनास्थळी तातडीने पोलीस दाखल झाले आहेत. तसेच एनडीआरएफचं पथक आणि भारतीय सैन्याचे जवान घटनास्थळ दाखल झाले असून मदत कार्याला सुरुवात झाली आहे. पण अजूनही डोंगरावरुन दगड खाली पडत असल्याने बचाव कार्यात अडथळा येत आहे.
हिमाचल प्रदेशच्या मुख्यमंत्र्यांची प्रतिक्रिया
दरम्यान, या घटनेवर हिमाचल प्रदेशचे मुख्यमंत्री जयराम ठाकूर यांनी प्रतिक्रिया दिली आहे. सध्या रेस्क्यू ऑपरेशन सुरु आहे. पोलीस आणि बचाव पथक सर्वोतोपरी मेहनत घेत आहेत, अशी प्रतिक्रिया त्यांनी दिली.
हेही वाचा :
तळीये दुर्घटनेच्या 15 दिवसांनी आणखी एक मृत्यू, मृतांचा आकडा 85 वर
