कॉकरोच जनता पार्टीला टफ फाईट देण्यासाठी हिट जनता पार्टी रस्त्यावर उतरली, मागणी तर ऐकाच…

CJP Protest Jantar Mantar: दिल्लीतील कनॉट प्लेसजवळील जनपथ रोडवर हिट जनता पार्टीच्या तरुणांनी निदर्शने केली. काँग्रेस आणि इतर राजकीय पक्षांकडून सुरू असलेल्या आंदोलनादरम्यान नियम आणि परवानगीच्या अटींचे पालन केले जात नसल्याचा या पक्षाचा आरोप आहे. यासाठी या आंदोलकांनी दिल्ली पोलीस आणि सरकारला पाठिंबा दर्शवला.

या निदर्शनात मोठ्या संख्येने तरुण सहभागी झाले होते. परवानगीशिवाय आंदोलन सुरू ठेवणे अयोग्य असल्याचे आंदोलकांनी म्हटले. आंदोलनाच्या नावाखाली अराजकता पसरवण्याचे प्रयत्न केले जात असून, ते खपवून घेतले जाऊ नये, असा आरोप त्यांनी केला. आंदोलकांनी दिल्ली पोलिसांना पाठिंबा दर्शवला आणि कायदा व सुव्यवस्था राखण्याचे आपले काम करण्याची संधी पोलिसांना दिली पाहिजे, असे म्हटले. पोलिसांच्या समर्थनार्थ आवाज उठवण्यासाठी आपण रस्त्यावर उतरलो असल्याचेही त्यांनी सांगितले.

आंदोलनात सहभागी झालेल्या तरुणांनी दावा केला की, या चळवळीत सामील होण्यासाठी देशाच्या विविध भागांतून मोठ्या संख्येने तरुण दुसऱ्या दिवशी दिल्लीत येतील. आंदोलकांनी मागणी केली की, पोलिसांनी त्यांनाही शांततेने आंदोलन करण्याची परवानगी द्यावी, जेणेकरून ते आपली मते व्यक्त करू शकतील.

यादरम्यान आपल्या घोषणेत मौलानांनी सांगितले की, सरकारने जंतर मंतरवर कलम १६३ लागू केले आहे आणि त्यामुळे कोणीही तिथे जाऊ नये. त्यांनी इशारा दिला की, जर कोणी आंदोलनात सहभागी होण्यासाठी गेले आणि त्याला काही झाले, तर त्याची जबाबदारी सरकारची नसून त्या व्यक्तीची असेल. जनतेला ८, ९ आणि १० ऑक्टोबर रोजी जंतर मंतरवर न जाण्याचे आवाहन केले.

दिल्ली पोलिसांनी कॉकरोच जनता पार्टीला १० ऑक्टोबर रोजी जंतर मंतर येथे प्रस्तावित आंदोलनासाठी परवानगी नाकारली आहे. सह पोलीस आयुक्त नुपूर प्रसाद यांनी एका पत्रकार परिषदेत सांगितले की, आंदोलनासाठीचा अर्ज अगदी अलीकडेच प्राप्त झाला होता, तर नियमांनुसार पोलिसांना किमान १० दिवसांची पूर्वसूचना देणे आवश्यक आहे. पोलिसांनी असेही सांगितले की, जेव्हा पक्षाला यापूर्वी परवानगी देण्यात आली होती, तेव्हा त्यांनी नियमांचे आणि आपल्या वचनबद्धतेचे उल्लंघन केले होते. नवी दिल्ली परिसरात बीएनएसएस कायद्याचे कलम १६३ लागू आहे आणि त्याचे उल्लंघन करणाऱ्यांवर कायदेशीर कारवाई केली जाईल.