Kangana Ranaut : 35 लाखांची बॅग, 21 लाखांचे घड्याळ, कंगना राणौत यांचा संसदेतील लुक व्हायरल; छत्रीची किंमत वाचून चकित व्हाल!
कंगना यांच्या हातात काळ्या रंगाची Hermès Birkin Togo Leather बॅग असल्याचे बोलले जात आहे. जगातील सर्वात प्रतिष्ठित आणि महागड्या लक्झरी हँडबॅग्समध्ये Birkin बॅगची गणना केली जाते.
Kangana Ranaut Watch Purse Price : अभिनेत्री आणि खासदार कंगना राणौत नेहमीच चर्चेत असतात. दिल्लीत झालेल्या कॉकरोच जनता पार्टीच्या आंदोलनावर तसेच या आंदोलनात सहभागी झालेल्या जेन झी तरुणाईवर राणौत यांनी सडकून टीका केली होती. वाद झाल्यानंतर त्यांनी माघार घेतली होती. सध्या संसदेचे पावसाळी अधिवेशन सुरू आहे. या अधिवेशनातही कंगना राणौत नियमितपणे सहभागी होत आहेत. अधिवेशनात सहभागी होत असताना त्यांनी परिधान केलेल्या साड्यांची तसेच त्यांच्या पर्सची देशभरात चर्चा होत आहे. त्यांनी तब्बल 35 लाख रुपयांची पर्स आणि 21 लाख रुपयांची घडी घातल्याचे बोलले जात आहे.
कंगना राणौत यांच्या अधिवेशनातील उपस्थितीपेक्षा त्यांच्या स्टायलिश आणि लक्झरी लूकची अधिक चर्चा होत आहे. संसद परिसरात कंगना यांचा पारंपरिक साडीतील अंदाजात पाहायला मिळत आहेत. त्यांच्या या लूकमधील महागड्या अॅक्सेसरीजने सर्वांचे लक्ष वेधून घेतले.
निळ्या रंगाची साधी साडी
सध्या कंगना यांच्या एका लुकची सगळीकडेच चर्चा होतेय. त्यांनी हलक्या आकाशी निळ्या रंगाची साधी साडी परिधान केली होती. सोबतच त्यांनी पांढऱ्या रंगाचा ब्लाउज परिधान केला होता. त्यांचा हा पारंपरिक लूक अगदी साधा वाटत होता. परंतु त्यांच्या हातातील लक्झरी हँडबॅग मात्र सगळीकडे चर्चेचा विषय ठरली.
घड्याळाची किंमत तब्बल 21 लाख रुपये
कंगना यांच्या हातात काळ्या रंगाची Hermès Birkin Togo Leather बॅग असल्याचे बोलले जात आहे. जगातील सर्वात प्रतिष्ठित आणि महागड्या लक्झरी हँडबॅग्समध्ये Birkin बॅगची गणना केली जाते. उपलब्ध माहितीनुसार, या बॅगची किंमत तब्बल 35 लाख रुपये असल्याचे सांगितले जात आहे. बॅगसोबतच त्यांच्या मनगटावरील Rolex घड्याळानेही लक्ष वेधून घेतले. चॉकलेट ब्राउन डायल असलेल्या या घड्याळाची किंमत सुमारे 21 लाख रुपये असल्याचा दावा रिपोर्ट्समध्ये केला जातोय. विशेष म्हणजे, कंगना यांच्या हातातील छत्रीही चर्चेचा विषय ठरली. त्यांच्या छत्रीची किंमत सुमारे 6,100 रुपये असल्याचे सांगितले जात आहे.
कंगना यांना संसदेत महागड्या आणि ब्रँडेड अॅक्सेसरीजसह पाहण्याची ही पहिलीच वेळ नाही. त्या अनेकदा त्यांच्या फॅशनमुळे चर्चेत आलेल्या आहेत. यावेळीही त्यांच्या संसद परिसरातील लूकचे फोटो आणि व्हिडिओ सोशल मीडियावर व्हायरल होत आहेत.
