या सोप्या ट्रिक्स वापरा… साप कधीच घराभोवती फिरकणार नाहीत, पाहताच थराथरा…

घरासमोर अंगण असणं किंवा एखादा सुंदर बगीचा असणं अत्यंत चांगलं असतं. त्यामुळे मन मोहून जातं. अंगणात रोपटी लावून हिरवाई तयार करणं अनेकांना आवडतं. पण अनेकदा काही छोट्या चुकांमुळे साप घराच्या आसपास येऊ शकतात. कधी कधी तर सापांचा थेट घरातच प्रवेश होतो. खायला आणि लपायला मिळेल अशा सुरक्षित जागांच्या शोधात साप असतात. त्यामुळेच बहुतेक साप झाडाझुडूपांमध्ये सापडतात. जर तुमच्या घराच्या आसपास साप निघत असतील किंवा दिसत असेल तर काही गोष्टी लक्षात ठेवल्या पाहिजे. काही सोप्या ट्रिक्समुळे तुम्ही जीवावरचं संकट टाळू शकता.

झाडंझुडपं वाढू देऊ नका

साप लपण्यासाठी गवत आणि गर्द झाडाझुडपांचा आधार घेत असतो. त्यांच्यासाठी त्या जागा सुरक्षित असतात. अशा ठिकाणी त्यांना ऊन आणि शिकार दोन्ही गोष्टी सहज मिळतात. त्यामुळे बगिच्यातील गवत, झुडपांची वेळोवेळी छाटनी केली पाहिजे. त्यामुळे सापांना लपण्यासाठी जागा मिळणार नाही.

भंगार वाढवू नका

अनेक लोक घराच्या आजूबाजूला भंगार ठेवत असतात. लाकडांचा ढीग, जुन्या गाद्या, तुटलेले जार, भांडी आणि इतर वायफळ सामान घराच्या बाजूला फेकून दिलेलं असतं. या जागा सापांचा अड्डा असतात. तिथे त्यांना सुरक्षितता मिळते. त्यामुळे घराच्या आसपास विनाकारण भंगार ठेवू नका. एक तर ते विकून टाका किंवा कचऱ्यात फेकून द्या.

रोपट्यांना पाणी देऊ नका

घरासमोरील बगिच्यातील रोपट्यांना ज्यादा पाणी देऊ नका. त्यामुळे जमीन ओलसर आणि भुसभुशीत होते. त्यामुळे कीडे आणि जीवजंतू तयार होतात. ज्या ठिकाणी ओलसर जमीन असेल आणि कीडे व इतर जीवजंतू असतात तिथे साप लवकर आकर्षित होतात. त्यामुळे रोपट्यांना गरजेपेक्षा अधिक पाणी देऊ नका. जेवढं आवश्यक तेवढंच पाणी द्या.

असं ठेवा सापाला दूर

आपल्या घरापासून सापांना दूर ठेवण्यासाठी अंगणात पाणी आणि व्हिनेगर समान मात्रेत शिंपडा. अनेक लोक लिंबाचा रस, पुदीन्याचं तेल आणि तिखट मिर्ची एकत्र करून अंगणात तसेच बगिच्यात फेकतात. त्याशिवाय बगिच्यात झेंडूचं फूल, लेमनग्रास आणि सिट्रोनेला सारखी रोपटी लावा. याच्या उग्र दर्पापासून जीवजंतू दूर राहतात. सापही या उग्र दर्पाकडे फिरकत नाहीत.