AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

पळून कुठे जाल? दहशतवादी लतीफ भटला ढगात पोहोचवताच पोलिसांचा एका ओळीचा मेसेज

लष्कर-ए-तोयबाचा कमांडर लतीफ भटचा जम्मू-काश्मीरमध्ये एन्काउंटर करण्यात आला, ज्यामुळे दहशतवाद्यांचे कंबरडे मोडले आहे. सीआरपीएफवर झालेल्या हल्ल्यात तो सामील होता. या मोठ्या कारवाईनंतर, जम्मू-काश्मीर पोलिसांनी "पळून कुठे जाल? लपू शकत नाही!" असा सूचक संदेश दिला, जो दहशतवाद्यांसाठी स्पष्ट इशारा आहे.

पळून कुठे जाल? दहशतवादी लतीफ भटला ढगात पोहोचवताच पोलिसांचा एका ओळीचा मेसेज
Latif Bhat Image Credit source: tv9 marathi
| Updated on: Nov 18, 2026 | 12:30 PM
Share

जम्मू-काश्मीरमध्ये सीआरपीएफच्या चौकीवर हल्ला करणारा लश्करचा कमाांडर लतीफ भटचा एन्काउंटर करण्यात आला आहे. लतीफ मशीदमध्ये लपला होता. मशिदीतून बाहेर पडताच त्याला सुरक्षा दलाच्या जवानांनी ढगात पोहोचवले. त्यामुळे दहशतवाद्यांचं कंबरडं मोडलं आहे. या मोठ्या कामगिरीनंतर सीआरपीएफचे डीजी ज्ञानेद्र प्रताप सिंह यांनी अत्यंत रोचक पोस्ट केली आहे. सहकाऱ्यांनो अभिनंदन. काही पदार्थ कडकडत्या थंडीतच वाढणं चांगलं असतं. हिवाळ्यातील या बेस्ट डिशेज असतात, अशी पोस्ट ज्ञानेद्र प्रताप सिंह यांनी केली आहे. त्यांच्या या पोस्टचे वेगवेगळे अर्थ काढले जात आहेत. दुसरीकडे जम्मू-काश्मीर पोलिसांनी सोशल मीडियावर एक पोस्ट केली आहे. तुम्ही पळून जाऊ शकता, पण लपू शकत नाही, असा सूचक इशाराच जम्मू-काश्मीर पोलिसांनी पोस्टमधून दिला आहे.

आज पहाटे मशिदीत नमाज सुरू होण्याच्या आधीच दहशतवादी आणि सुरक्षा दलाच्या जवानांमध्ये चकमक सुरू झाली होती. सोमवारी दक्षिण काश्मीर जिल्ह्यातील लारू बायपास परिसरात सुरक्षा दलाने उमर निसार डार नावाच्या दहशतवाद्याला कंठस्नान घातलं होतं. 11 नोव्हेंबर रोजी कुलगाममध्ये सीआरपीएफ जवानांवर झालेल्या हल्ल्यात सामिल झालेल्या दहशतवाद्यांपैकी डार एक होता. तर त्यानंतर लतीफ भट फरार झाला होता.

दोघांचा हल्ला, तीन जवान शहीद

11 नोव्हेंबर रोजी भट आणि डार यांनी हल्ला केला होता. त्यात सीआरपीएफचे तीन जवान शहीद झाले होते. त्यानंतर सुरक्षा दलाने सर्च मोहीम हाती घेतली. गुप्त माहिती मिळाल्यानंतर सुरक्षा दलाने दक्षिण जम्मू काश्मीरच्या देवसर परिसरातील जांगलपोरा येथे झाडाझडती सुरू केली होती. भटला घेराव घातल्यानंतर त्याला शरणागती पत्करण्याची संधीही देण्यात आली होती. पण त्याने शरणागती पत्करण्यास मनाई केली होती. तो मशिदीत लपला होता. त्यामुळे मशिदीतून न घुसण्याचा निर्णय जवानांनी घेतला. भटची बाहेर येण्याची वाट पाहत होते. त्यासाठी अश्रूधुराच्या नळकांड्या फोडण्यात आल्या होत्या. त्यानंतर काही वेळाने भट जेव्हा बाहेर आला, तेव्हा त्याच्यावर गोळ्यांचा वर्षाव करण्यात आला. त्यामुळे तो जागीच ठार झाला.

ब्रेड बनवायचा, अचानक फरार

डारने भटला सुमारे सहा महिने लपण्यासाठी आश्रय दिला होता. तसेच त्याला पाहिजे त्या सुविधाही पुरवल्या होत्या. काही दिवसांपूर्वी दोघांनी मिळून सीआरपीएफ जवानांवर हल्ला केला होता. त्यापूर्वी दोघांनी रेकी केली होती. डार हा पूर्वी ब्रेड बनवण्याचं काम करत होता. तो हरवला असल्याची तक्रार त्याच्या कुटुंबियांनी दिली होती. पण तो पाकिस्तानातील दहशतवादी संघटना लश्कर ए तोयबाशी संबंधित द रजिस्टेंस फ्रंटमध्ये सामील झाला होता. मात्र, सोमवारी तो सुरक्षा जवानांच्या चकमकीत ठार झाला. त्यापाठोपाठ आज भटही मारला गेला. त्यामुळे दहशतवाद्यांचं कंबरडं मोडलं आहे. या एन्काउंटरनंतर जम्मू- काश्मीर पोलिसांनी एका ओळीचं ट्विट करून दहशतवाद्यांना सूचक इशारा दिला आहे. तुम्ही पळून जाऊ शकता, पण अधिक काळ लपून राहू शकत नाही, असा सूचक इशाराच दहशतवाद्यांना देण्यात आला असून हे ट्विट प्रचंड व्हायरल होत आहे.

Follow Us
भारताची मोठी झेप! बर्ड फ्लूला रोखण्यासाठी देशाची पहिली स्वदेशी H5N1 लस
भारताची मोठी झेप! बर्ड फ्लूला रोखण्यासाठी देशाची पहिली स्वदेशी H5N1 लस विकसित
राहुल गांधींचा अमेरिका दौरा चर्चेत; कोलंबिया विद्यापीठातील भाषणातून...
राहुल गांधींचा अमेरिका दौरा चर्चेत; कोलंबिया विद्यापीठातील भाषणातून दिले महत्त्वाचे संकेत!
प्रदिप पूर्णेकर प्रकरणी मोठी अपडेट समोर; कुटुंबियांचा लढा कायम, आता...
Pradip Purnekar Case : प्रदिप पूर्णेकर प्रकरणी मोठी अपडेट समोर; पुर्णेकर कुटुंबियांचा लढा कायम, आता थेट...
राष्ट्रवादीच्या सतीश पाटलांची जळगाव जिल्हा बँकेच्या निवडणुकीतून माघार;
NCP : राष्ट्रवादीच्या सतीश पाटलांची जळगाव जिल्हा बँकेच्या निवडणुकीतून माघार; म्हणाले, जेव्हा स्वतःच्याच पक्षाकडून फसवणूक...
साताऱ्यातील तारळी प्रकल्पाचे काम थांबवले; अदानी एनर्जीचे अधिकारी...
साताऱ्यातील तारळी प्रकल्पाचे काम थांबवले; अदानी एनर्जीचे अधिकारी मंत्रालयात...
सातारा जिल्हा बँकेच्या अध्यक्षपदाचा आज फैसला; कोण कोण आहे रिंगणात?
Satara Bank Election : सातारा जिल्हा बँकेच्या अध्यक्षपदाचा आज फैसला; कोण कोण आहे रिंगणात?
श्रद्धांजली वाहीली नाही, तर बाळासाहेबांचं महत्त्व कमी होत नाही; - राऊत
श्रद्धांजली वाहीली नाही, तर बाळासाहेबांचं महत्त्व कमी होत नाही; संजय राऊतांचा भाजपवर पटलवार
बाळासाहेबांचा वारसा हवा, पण हिंदुत्व नको? राहुल गांधींच्या मुद्द्यावरू
बाळासाहेबांचा वारसा हवा, पण हिंदुत्व नको? राहुल गांधींच्या मुद्द्यावरून नवनाथ बनांचा ठाकरे गटाला टोला!
अमित शहा अन् एकनाथ शिंदे यांच्यात महत्त्वाची बैठक; महाराष्ट्राच्या...
अमित शहा अन् एकनाथ शिंदे यांच्यात महत्त्वाची बैठक; महाराष्ट्राच्या राजकारणात चर्चांना उधाण!
गोकुळ दूध महागणार! ग्राहकांना प्रति लिटर 4 रुपये अधिक मोजावे लागणार?
गोकुळ दूध महागणार! ग्राहकांना प्रति लिटर 4 रुपये अधिक मोजावे लागणार? शेतकऱ्यांनाही...