LPG Cylinder: ‘या’ वेळेत बूक करा सिलेंडर… नाही येणार अडचणी… सोपी आहे ट्रिक
LPG Cylinder: इराण–अमेरिका युद्धाच्या पार्श्वभूमीवर जागतिक स्तरावर इंधन आणि गॅस पुरवठ्यावर परिणाम होऊ लागला आहे. अनेकांना तर सिलेंडर बूक करताना देखील अनेक अडचणी येत आहे. अशात जाणून घ्या सिलेंडर बूक करण्यासाठी योग्य वेळ कोणती आहे.
LPG Booking Time: मध्यपूर्वेतील युद्धाचे पडसाद आता भारतात देखील दिसून येत आहेत. देशात LPG सिलेंडरचा तुडवडा असल्याच्या चर्चांनी जोर धरला आहे. अचानक सिलेंडर बूक करणाऱ्यांच्या संख्येत मोठी वाढ झाली आहे. तर सिलेंडर बूक करण्यासाठी देखील अनेक अडचणी येत आहेत. गॅस कंपन्यांच्या सर्व्हरवर अचानक वाढलेल्या गर्दीमुळे बुकिंग सिस्टीमवर ताण वाढला आहे. कंपन्यांनी लोकांना घाबरून जाऊन वारंवार सिलेंडर बुकिंग करण्याचे टाळण्याचे आवाहन केले आहे. त्यामुळे तुमच्याकडून देखील सिलेंडर बूक होत नसेल तर, एलपीजी सिलिंडर बुक करण्याची सर्वोत्तम वेळ जाणून घेऊया. जर तुम्ही योग्य वेळेत सिलेंडर बूक केला तर, तुम्हाला उत्तम सेवा मिळू शकते… एवढंच नाही तर, सरकारने देखील स्पष्ट केलं आहे की, LPG गॅसचा पुरवठा सामान्य आणि कोणत्याच प्रकारची कमतरता भासणार नाही.
LPG सिलेंडर बूक करण्यासाठी योग्य वेळ…
अनेक माध्यमांच्या रिपोर्टनुसार, एलपीजी सिलेंडर बुक करण्याचा सर्वोत्तम वेळ संध्याकाळी 6 नंतरचा आहे. यावेळी सर्व्हरवर दबाव कमी असतो, ज्यामुळे बुकिंग करणे सोपे होते. आजकाल, बुकिंग प्लॅटफॉर्मवर नेहमीपेक्षा 8 ते 10 टक्के अधिक ट्रॅफिक असल्याचं चित्र दिसत आहे. बरेच लोक घाबरून वारंवार बुकिंग करण्याचा प्रयत्न करत आहेत, ज्यामुळे सिस्टमवर आणखी भार पडत आहे.
रात्री करण्यात आलेली बुकींग कधी प्रोसेस होईल…
जर तुम्ही रात्री 10 वा. पासून सकाळी 6 वा. दरम्यान बुकींग केली, तर तुमची बुकींग सकाळी 6 नंतर प्रोसेस होईल… सिलेंडर घेण्यासाठी ग्राहकांचं e-KYC पूर्ण झालेलं असणं प्रचंड गरजेचं आहे.. जर e-KYC पूर्ण झालेली नसेल तर, डिस्ट्रिब्यूटर सिलेंडरची डिलिव्हरी थांबवू शकतात…
गॅस कनेक्शनशी जोडलेल्या मोबाईल नंबरवर बुकिंग आणि डिलिव्हरीचे मेसेज पाठवले जातात, त्यामुळे ग्राहकांनी त्यांचा नोंदणीकृत नंबर सक्रिय ठेवावा. ग्राहक WhatsApp च्या माध्यमातून देखील LPG सिलेंडर बूक करु शकतात. WhatsApp च्या मदतीने सिलेंडर बूक करायचा असल्यास, WhatsApp च्या 7588888224 या क्रमांकावर “REFILL” असं मेसेज पाठवा.
सर्वात महत्त्वाचं म्हणजे, गॅस कंपन्यांच्या नियमांनुसार, ग्राहक मागील सिलेंडरच्या डिलिव्हरीच्या 25 दिवसांच्या आत नवीन सिलेंडर बुक करू शकत नाहीत. हा नियम अनावश्यक आणि पॅनिक बुकिंग टाळण्यासाठी बनवण्यात आला आहे. एलपीजी सिलिंडरच्या डिलिव्हरीवर DAC म्हणजे Delivery Authentication Code आवश्यक आहे. हा ग्राहकाच्या नोंदणीकृत मोबाइल नंबरवर पाठवलेला ओटीपी-आधारित सुरक्षा कोड आहे. डिलिव्हरीवर हा कोड दिल्यानंतरच सिलेंडरची डिलिव्हरी केली जाईल.
