प्रचंड वेगाने तुफान वादळ धडकणार, मोठं संकट येणार? कोणत्या राज्यांना धोका? काय आहे हवामानाचा अंदाज?

भारतात नैऋत्य मोसमी पाऊस देशातून परत जाण्याची वेळ आली आहे. नैऋत्य मोसमी पाऊस परत जाण्याची वेळ ही 19 सप्टेंबर निश्चित करण्यात आली आहे. त्याचदरम्यान दुसरीकडे देशाच्या पूर्व, पश्चिम, मध्य भागांमध्ये पावसाची शक्यता व्यक्त करण्यात आली आहे. येत्या काही दिवसांत देशभरातील अनेक भागांमध्ये मेघगर्जनेसह मुसळधार पावसाची शक्यता आहे, असा अंदाज हवामान विभागाने व्यक्त केला आहे.

हवामान विभागाच्या माहितीनुसार, उत्तर थायलंडमधील चक्रीवादळ हे 18 सप्टेंबर रोजी उत्तर अंदमान समुद्रापर्यंत पोहोचू शकते. त्यामुळे 19 सप्टेंबर रोजी सायंकाळी उत्तर अंदमान समुद्रात कमी दाबाचं क्षेत्र निर्माण होण्याची शक्यता आहे. त्यानंतर हे वादळ पुढील तीन-चार दिवसांत पश्चिम-वायव्य दिशेने दक्षिण, ओडिशा , उत्तर आंध्र प्रदेशच्या किनारपट्टीच्या दिशेने सरकू शकते. हवामान विभागाने स्पष्ट केले की, आता 22 ते 24 सप्टेंबरदरम्यान देशातील काही ठिकाणी मुसळधार पावसाचा अंदाज व्यक्त करण्यात आला आहे. छत्तीसगडमध्ये आर्द्रतेचे प्रमाण वाढण्याची शक्यता आहे. त्यामुळे पावसाचा जोर वाढण्याची शक्यता आहे. हवामान विभागने 18 सप्टेंबर रोजी अनेक ठिकाणी हलक्या ते मध्यम पावसाचा अंदाज वर्तवण्यात आला आहे. पुढील दोन दिवसांत अनेक ठिकाणी हलका ते मध्यम पावसाची शक्यता आहे.

चक्रीवादळामुळे 18 सप्टेंबर ते 23-24 सप्टेंबर रोजी जम्मू-काश्मीर, लडाख,गिलबिट इत्यादी भागात पावसाची शक्यता आहे. तर 18 ते 24 सप्टेंबर रोजी हिमाचल प्रदेश आणि उत्तराखंडमध्ये काही ठिकाणी मुसळधार पावसाची शक्यता व्यक्त करण्यात येत आहे. या काळात मेघगर्जनेसह पावसाचा अंदाज वर्तवण्यात आला आहे. 18 ते 19 दरम्यान हरियाणा, चंदीगड, पंजाब, दिल्ली, पश्चिम राजस्थान, पश्चिम उत्तर प्रदेशमध्ये काही ठिकाणी पावसाची शक्यता आहे.

हवामान विभागानुसार, 18 ते 24 सप्टेंबर रोजी बिहारमध्ये काही ठिकाणी मेघगर्जना आणि विजांच्या कडकडाटासह हलका ते मध्यम स्वरुपाच्या पावसाची शक्यता आहे. तर 18 सप्टेंबर रोजी काही ठिकाणी मुसळधार पावसाची शक्यता व्यक्त करण्यात आली आहे. गेल्या 24 तासांत किशनगंज जिल्ह्यात पोथियामध्ये 13 सेटिंमीटर पावसाची नोंद करण्यात आली आहे. तर झारखंडमध्ये 18 ते 23 सप्टेंबर रोजी बहुतेक ठिकाणी हलका पाऊस ते मेधगर्जनेसह पावसाची शक्यता आहे. त्यानंतर 24 सप्टेंबर रोजी झारखंडच्या काही भागात पावसाची शक्यता आहे.ओडिशामध्ये 18 ते 23 सप्टेंबर रोजी मुसळधार पावसाची शक्यता आहे. तर 20 ते 23 सप्टेंबर रोजी गंगा खोऱ्यातील पश्चिम बंगालच्या काही भागात पावसाची शक्यता व्यक्त करण्यात आली आहे.