साप घरापासून एक किलोमीटर राहतो लांब, आदिवासींनी सांगितला रामबाण उपाय, एकदा हे झाड लावून बघाच
साप म्हटलं की अनेकंच्या अंगावर भीतीनं काटा उभा राहतो, मात्र असे काही उपाय असतात, ज्याद्वारे तुम्ही सापांना आपल्या घरात शिरण्यापासून प्रतिबंध करू शकतात, त्यातीलच एका उपायाबद्दल आज आपण माहिती जाणून घेणार आहोत.
साप हा निसर्ग साखळीमधील एक महत्त्वाचा घटक आहे, सापांमुळे उंदरांची संख्या नियंत्रणात राहून धान्याची नासाडी मोठ्या प्रमाणात कमी होते, सापाला शेतकऱ्यांचा मित्र देखील म्हटलं जातं. जर निसर्गात सापांची संख्या कमी झाली तर दुसरीकडे उंदरांची संख्या वाढते, त्यामुळे निसर्गात असमतोल तयार होतो. त्यामुळे साप न मारण्याचा सल्ला दिला जातो. भारतामध्ये सापांच्या हजारो प्रकारच्या प्रजाती आढळून येतात, मात्र त्यातील केवळ हाताच्या बोटावर मोजण्या इतक्याच विषारी आहेत, त्यामध्ये घोणस, फुरसे, मण्यार, आणि ज्याला आपण नाग म्हणतो तो कोबरा या चार प्रमुख जातींचा समावेश होतो. सापांच्या अनेक प्रजाती या विषारी नसल्यामुळे त्या मानवास फार घातक नसतात. मात्र साप कोणताही असो त्याला पूर्ण माहितीशिवाय थेट पकडू नये, किंवा त्याला मारू नये, त्याची माहिती सर्पमित्रांना द्यावी, सर्पमित्र या सापांना निसर्गात मुक्त करतात.
भारतामध्ये आढळणारे अनेक साप हे विषारी नाहीत ही गोष्ट जरी खरी असली तर देखील साप घरात दिसताच भीती वाटते. एवढंच नाही तर अनेकदा विषारी साप देखील घरात शिरू शकतो. घोणस प्रजातीचा जो साप आहे, हा साप अत्यंत विषारी आहे, आणि याची प्रजनन क्षमता चांगली असल्यामुळे सध्या या जातीच्या सापांची संख्या मोठ्या प्रमाणात वाढली आहे. हा साप अनेकदा घरांमध्ये आढळून येते, हा साप प्रचंड विषारी असल्यामुळे या सापाच्या दंशामुळे व्यक्ती दगावण्याची देखील शक्यता असते, हा साप प्रचंड आक्रमक असतो. त्याच प्रमाणे अनेकदा घोणस सोबतच नाग आणि मण्यार जातीचे विषारी साप देखील घराच्या आसपास किंवा घरात आढळून येतात. त्यामुळे अशा परिस्थितीमध्ये योग्य काळजी घेणं हाच एकमेव त्यावर उपाय आहे.
मात्र अशी देखील काही झाडं असतात ज्याचा वास हा सापांना सहन होत नाही, ज्या घरात किंवा घराच्या परिसरात ही झाडं असतात त्या घरात साप कधीही प्रवेश करत नाही, अशाच एका झाडाबद्दल आज आपण माहिती जाणून घेणार आहोत, ज्याच्या वासामुळे साप घरातच काय त्या परिसरात सुद्धा प्रवेश करत नाही. झारखंडमध्ये दुर्गम भागात राहणारे आदिवासी हे झाड कायम आपल्या घराच्या समोर किंवा आजूबाजूला लावतात. घोडबंच असं या झाडाचं नाव आहे. हा जंगलाचा भाग आहे, इथे साप दिसणं ही सर्वसामान्य बाब आहे. मात्र जर तुमच्या घरासमोर घोडबंच लावलेलं असेल तर साप घरात प्रवेश करत नाही, असा दावा येथील लोकांनी एका वेबसाईटशी बोलताना केला आहे, त्यामुळे सापांना घरापासून दूर ठेवण्यास या झाडाची तुम्हाला मदत होऊ शकते.
