“पीएम मोदींचे 10 सलग फोन, पण मी उचललेच नाही” नवनिर्वाचित राज्यपालाने का केले असे… सांगितला तो किस्सा
PM Narendra Modi: भारतीय जनता पक्षाच्या एका ज्येष्ठ नेत्याची नुकतीच ओडिशाचे राज्यपाल म्हणून नियुक्ती झाली. त्यांना पीएम मोदींनी 10 वेळा सलग फोन केला. पण त्यांनी तो उचलला नाही. काय आहे त्यामागील रंजक हिस्सा?
झारखंडमधील भाजपचे ज्येष्ठ नेते आणि पलामूचे माजी खासदार ब्रजमोहन राम यांची नुकतीच ओडिशाचे राज्यपाल म्हणून नियुक्ती झाली. या नियुक्तीनंतर त्यांनी माध्यमांशी बोलताना एक रंजक किस्सा सांगितला. राज्यपाल पदी त्यांची नियुक्ती होण्यापूर्वी पंतप्रधान नरेंद्र मोदी यांनी त्यांना स्वत:हून संपर्क साधला. एकदा, दोनदा नाही तर त्यांनी 10 वेळा आपल्याला सलग फोन केला. पण त्यांचा संपर्क क्रमांक मोबाईलमध्ये सेव्ह, जतन न केल्याने या अनोळखी कॉलकडे त्यांनी दुर्लक्ष केले. त्यांना पंतप्रधान कॉल करत होते, पण त्यांनी काही फोन उचलला नाही, असा खुलासा ब्रजमोहन राम यांनी केला.
फोन उचलला तर थेट मोदींचा आवाज
ब्रजमोहन राम यांनी त्यांच्या राज्यपाल नियुक्तीचा किस्सा कथन केला. एका सकाळी आपल्या मोबाईलवर एका अनोळखी क्रमाकांवरून सलग दहा वेळा फोन आले. अज्ञात क्रमांकावरून वारंवार फोन येते होते. पण आपण त्याकडे साफ दुर्लक्ष केले. फोन उचलला नाही. पण काहीतरी महत्त्वाचे असेल म्हणून एकाच क्रमांकावरून वारंवार फोन येत असल्याचे त्यांना वाटले. मग त्यांनी फोन उचलला तर तिकडून पंतप्रधान नरेंद्र मोदी यांचा आवाज आला.
मोदींनी दिले सरप्राईज
पंतप्रधान मोदी यांच्याशी संवाद झाल्यावर त्यांनी ब्रजमोहन राम यांच्या तब्येतीची आणि प्रकृतीची अगोदर चौकशी केली. त्यानंतर पंतप्रधानांनी त्यांची ओडिशाचे राज्यपाल म्हणून नियुक्ती करण्यात येत असल्याचे सरप्राईज त्यांना सांगितले. सुरुवातीला सलग येणाऱ्या फोनमुळे मी गोंधळलो. पण जेव्हा देशाच्या पंतप्रधानांचा आवाज ऐकला, तेव्हा मला अत्यंत सुखद धक्का बसला, अशी प्रतिक्रिया ब्रजमोहन राम यांनी आवर्जून दिली.
नंतर अमित शाह यांचाही फोन
पंतप्रधानांनी फोन केल्यानंतर केंद्रीय गृहमंत्री अमित शाह यांनीही ब्रजमोहन राम यांना फोन केला. त्यांनी अभिनंदन केले आणि शुभेच्छा दिल्या. त्यांनी राम यांना नव्या घटनात्मक जबाबदारीची अधिकृत माहिती दिली. या घडामोडीनंतर राष्ट्रपती भवनाकडून त्यांच्या नियुक्तीची अधिकृत घोषणा करण्यात आली.
ब्रजमोहन राम हे पलामूमधून तीन वेळा लोकसभेत निवडून गेले आहेत. त्यांनी त्यापूर्वी आमदार म्हणूनही काम पाहिलेले आहे. त्यांनी कार्यकर्ता म्हणून भाजपच्या प्रचार फळीत काम केले. त्यांनी पक्ष संघटनेसाठी दीर्घकाळ काम केले. केंद्र सरकारने त्यांना ओडिशाचे राज्यपाल म्हणून नियुक्त केल्यानंतर त्यांना मोठा सुखद धक्का बसला.
