मोठी बातमी! आता चीन युद्धात उतरणार? तब्बल दोन हजार जहाजं…, जगभरात मोठी खळबळ

एकीकडे अमेरिका इस्त्रायल आणि इराणमध्ये भीषण युद्ध सुरू आहे. आज या युद्धाचा 14 वा दिवस आहे. या युद्धामुळे मध्य पूर्वेत मोठा तणाव निर्माण झाला आहे. जर अशीच परिस्थिती आणखी काही दिवस राहिली तर जगात तिसरं महायुद्ध सुरू होऊ शकतं अशी स्थिती निर्माण झाली आहे. मध्य पूर्वेत तणाव निर्माण झाल्यामुळे संपूर्ण जगभरात इंधनाचा मोठा तुडवडा निर्माण झाला आहे. जग सध्या वेगळ्याच तणावात असातना आता चीनने जगाचं टेन्शन आणखी वाढवलं आहे. आता चीनकडून आशिया खंडात मोठ्या युद्धाची तयारी सुरू झाली आहे. इस्ट चायनाच्या एका सॅटेलाइट इमेजमुळे हा मोठा खुलासा झाला आहे. यामुळे जगभरात खळबळ उडाली आहे. या इमेजमध्ये चीनचे एकाचवेळी तब्बल दोन हजार मासे पकडणारे जहाजं सोबत दिसत आहेत. या जहाजांच्या माध्यमातून चीन ईस्ट चायनाचा समुद्र ब्लॉक करण्याचा अभ्यास करत असल्याचा दावा केला जात आहे.

वृत्तसंस्था एएफपीने नासाच्या हवाल्यानं हे सॅटेलाईट चित्र प्रसारित केलं आहे. हे चित्र समोर येताच मोठी खळबळ उडाली आहे. या जहाजांच्या माध्यमातून चीन ईस्ट चायनाचा समुद्र ब्लॉक करण्याचा अभ्यास करत असल्याचा दावा केला जात आहे. युद्धाच्या वेळी जपान, फिलिपाइन्स आणि तैवान यांचा मार्ग एकाच वेळी या ठिकाणावरून रोखता यावा यासाठी ही चीनची तयारी सुरू असल्याचं बोललं जात आहे. समोर आलेल्या माहितीनुसार चीनने पूर्व चीनी समुद्रात 400 किलोमीटरपर्यंत या जहाजांची अशा पद्धतीने रचना केली आहे की, कोणत्याही दिशेनं शत्रू राष्ट्रांवर सहज हल्ला केला जाऊ शकतो. यावरून असा अंदाज लावला जात आहे की, चीन सध्या एका मोठ्या युद्धाची तयारी करत आहे. हे युद्ध भविष्यात तैवान, जपान किंवा फिलिफिन्सविरोधात होऊ शकतं.

चीनने मासे पकडणाऱ्या जहाजांचाच का वापर केला?

चीनची रणनिती स्पष्ट आहे. चीनने एकाचवेळी या रस्त्यावर दोन हजार जहाजं तैनात केले आहेत, या मागे दोन प्रमुख कारणं आहेत. एक म्हणजे युद्धाच्या वेळी शत्रू राष्ट्रांचा रस्ता संपूर्णरित्या बंद करणं, यासाठी ही मासेमारी करणारे जहाजं सर्वात उत्तम पर्याय आहे आणि दुसरं म्हणजे आम्ही एका मोठ्या युद्धाची तयारी करत आहोत, हे जगाला दाखवून देणं हा त्यामागे चीनचा उद्देश आहे.