रेल्वेमंत्र्यांनी गांधीनगर स्टेशनवर घेतला सेल्फी; म्हणाले, देशाच्या आकांक्षा पूर्ण करणारा प्रकल्प

ashwini vaishnav

नवी दिल्ली: पंतप्रधान नरेंद्र मोदी यांनी शुक्रवारी गुजरातमधील गांधीनगरच्या नवीन रेल्वे स्थानकाचे उद्घाटन केले. हे देशातील पहिले पुनर्विकासित केलेले रेल्वे स्थानक असून, प्रवाशांना येथे विमानतळासारख्या अनेक सुविधा मिळतील. कोरोनामुळे रेल्वे स्थानकाचा उद्घाटन सोहळा डिजिटल पद्धतीने आयोजित करण्यात आला होता. पंतप्रधान नरेंद्र मोदी यांच्या हस्ते उद्घाटन होण्यापूर्वी रेल्वेमंत्री अश्विनी वैष्णव यांनी स्टेशनला भेट दिली आणि दोन गाड्या रवाना केल्या. (Railway Minister takes selfie at Gandhinagar station; Said, a project to fulfill the aspirations of the country)

स्टेशनचा प्रगत पायाभूत सुविधा दर्शविणारा सेल्फी पोस्ट

रेल्वेमंत्र्यांनी ट्विटरवर स्टेशनचा प्रगत पायाभूत सुविधा दर्शविणारा सेल्फी पोस्ट केला. फोटो तिकीट काऊंटरवर घेण्यात आला, जेथे काही कर्मचारी काचेच्या पलिकडे बसलेल्या प्रवाशांची वाट पाहत होते. रेल्वे स्टेशन फुलांनी सजवलेले होते.

भारतातील पहिले पुनर्विकासित स्टेशन

हे देशातील पहिले पुनर्विकासित केलेले रेल्वे स्थानक असून, प्रवाशांना येथे विमानतळांसारख्या अनेक सुविधा मिळणार आहेत. वैष्णव यांनी ट्विट करून म्हटले आहे की, “गांधीनगर कॅपिटल रेल्वे स्टेशन हा देशातील आकांक्षा आणि पंतप्रधान नरेंद्र मोदींजी यांच्या स्वप्नांच्या पूर्तीसाठी एक प्रकल्प आहे”.

गांधीनगर कॅपिटल स्टेशन विशेष का?

गांधीनगर रेल्वे स्टेशन आता आधुनिक विमानतळांसारखे आहे, त्यास जागतिक दर्जाच्या सुविधांचा समावेश करण्यात आलाय. हे आता एक अनुकूल स्टेशन आहे, ज्यामध्ये खास तिकीट बुकिंग काउंटर, रॅम्प, लिफ्ट आणि समर्पित पार्किंगची जागा आहे. या स्थानकात पंचतारांकित हॉटेलदेखील असून, ते खासगी संस्था चालवतील आणि संपूर्ण इमारत हरित इमारतीच्या सुविधांसाठी बांधली गेलीय. यामध्ये 71 कोटी खर्च करण्यात आलाय.

संबंधित बातम्या

नारायणगाव बायपासचं काम पूर्ण, पुणे-नाशिक प्रवास होणार सुस्साट, गडकरींची ट्विट करत माहिती

Jalgaon Helicopter Crash | जंगलातून अचानक मोठा आवाज, नागरिकांची घटनास्थळी धाव, जळगावात हेलिकॉप्टर कोसळल्याची मोठी दुर्घटना

Railway Minister takes selfie at Gandhinagar station; Said, a project to fulfill the aspirations of the country