‘मोदी है तो मुमकिन है’, विद्यार्थी आंदोलनावर पोस्ट टाकताच राजकुमार राव ट्रोल, त्या गाण्याची आठवण काढताच कमेंट डिलीट
विद्यार्थी आंदोलनावर पोस्ट केल्यानंतर राजकुमार राव वादाच्या भोवऱ्यात सापडला आहे. 'मोदी है तो मुमकिन है' गाण्यावरून सोशल मीडियावर त्याच्यावर जोरदार टीका होत आहे.
अभिनेता राजकुमार रावने विद्यार्थ्यांच्या आंदोलनाला पाठिंबा दर्शवणारी सोशल मीडिया पोस्ट केल्यानंतर तो नव्या वादात सापडला आहे. त्याच्या या भूमिकेनंतर सोशल मीडियावर अनेकांनी त्याचे कौतुक केले तर काहींनी त्याच्यावर टीका करत ‘मोदी है तो मुमकिन है’ या प्रचारात्मक गाण्यात त्याने केलेल्या उपस्थितीबाबत प्रश्न उपस्थित केले.
या प्रकरणाने जोर धरल्यानंतर राजकुमार रावने एका सोशल मीडिया वापरकर्त्याच्या टीकेला सविस्तर उत्तर दिले. मात्र, काही वेळाने त्याने ते प्रतिक्रिया हटवली. त्याचा स्क्रीनशॉट आता सोशल मीडियावर मोठ्या प्रमाणात व्हायरल होत असून, त्याने ती कमेंट का डिलीट केली, असा प्रश्न उपस्थित केला जात आहे.
नेमकं काय घडलं?
विद्यार्थ्यांच्या आंदोलनाला समर्थन देणारी पोस्ट राजकुमार रावने शेअर केली होती. त्यानंतर एका सोशल मीडिया वापरकर्त्याने त्याच्यावर टीका करत लिहिले की, ‘तुमच्याबद्दल माझ्या मनात खूप आदर होता. पण एका प्रचारात्मक गाण्यात सहभागी होऊन तुम्ही तो गमावला. मी तुमचा एकही चित्रपट चुकवत नव्हतो, पण तुम्ही इतक्या सहजपणे तडजोड कराल असे वाटले नव्हते. नव्या पिढीतील कलाकारांना नेतृत्व करण्याऐवजी तुम्ही वेगळी भूमिका घेतली.’
या टीकेला उत्तर देताना राजकुमार रावने स्पष्ट शब्दांत आपली भूमिका मांडली. त्याने लिहिले, ‘भाऊ, मी माझा आत्मा कधीही विकू शकत नाही. एका गाण्यामुळे मी कोण आहे, माझी विचारसरणी काय आहे किंवा मी कोणत्या गोष्टींसाठी उभा राहीन, हे ठरत नाही. एखाद्या परिस्थितीत कोणावर किती दबाव असतो, हे बाहेरच्या लोकांना माहीत नसते. मी नेहमी योग्य गोष्टीसाठी आणि लोकांना एकत्र आणणाऱ्या विचारांसाठी उभा राहतो. जोपर्यंत माझा विवेक स्वच्छ आहे आणि मी माझे काम पूर्ण प्रामाणिकपणे करत आहे, तोपर्यंत इतर कोणत्याही गोष्टीचा मला फरक पडत नाही. जे लोक मला वैयक्तिकरित्या ओळखतात, त्यांना मी कसा माणूस आहे हे माहीत आहे. मला आशा आहे की, एक दिवस मी तुमचा पुन्हा आदर मिळवू शकेन. तुमच्या आयुष्यात आनंद नांदो, हीच शुभेच्छा. देवाची कृपा तुमच्यावर कायम राहो’ ‘ असं उत्तर राजकुमार रावने दिलं होतं.
View this post on Instagram
नंतर कमेंट हटवली
राजकुमार रावने हा प्रतिक्रिया काही वेळानंतर सोशल मीडियावरून हटवली. मात्र, तोपर्यंत त्याच्या कमेंटचा स्क्रीनशॉट मोठ्या प्रमाणावर व्हायरल झाला होता. त्यामुळे त्याने ही कमेंट का हटवली याबाबत सोशल मीडियावर विविध चर्चा सुरू आहेत. काही जण त्याच्या भूमिकेचे समर्थन करत आहेत तर काही जण या निर्णयामागील कारणांबाबत प्रश्न उपस्थित करत आहेत.
