मी आमरण उपोषण मागे घेण्यास आजच तयार, पण.. सोनम वांगचुक यांनी थेट ठेवल्या या 3 अटी..

दिल्लीतील जंतरमंतर येथे सोनम वांगचुक यांचे उपोषण सुरू होते. त्यानंतर त्यांना उपचारासाठी सफदरचंद रुग्णालयात दाखल करण्यात आले. त्यांच्या पत्नी गीतांजली आंग्मो यांनी काही गंभीर आरोप केले. यासोबतच त्यांनी कोर्टात याचिका दाखल करत इतरत्र उपचारासाठी सोनम वांगचुक यांना हलवण्याची परवानगी कोर्टाकडे मागितली. सध्या सोनम वांगचुक यांची प्रकृती स्थिर असल्याची माहिती रुग्णालय प्रशासनाने दिली. यासंदर्भात रुग्णालयाकडून अधिकृत मेडिकल बुलेटिनही जारी करण्यात आले आहे. यादरम्यानच आता दिल्लीमध्ये घडामोडींना वेग आल्याचे बघायला मिळत आहे.  नुकताच सोनम वांगचुक यांनी एक ट्विट करत उपोषण मागे घेण्याची तयारी दर्शवली आहे. मात्र, यासोबतच त्यांनी काही अटीही ठेवल्या आहेत. सोनम वांगचुक यांनी उपोषण मागे घेण्याकरिता 3 अटी ठेवल्या.

त्यात पहिली अट म्हटजे केंद्र सरकारने नीट परीक्षेतील पेपरफुटी आणि शिक्षण व्यवस्थेतील बदल याची जबाबदारी घ्यावी. यासोबतच त्यांनी म्हटले की, मला आणि अभिजित दिपके यांना जर संसदेपर्यंत जाऊ दिले आणि तिथे पेपरफुटीच्या मुद्द्यात आवाज उठवण्याचे आश्वासन दिले तर मी माझे आमरण उपोषण मागे घेण्यास तयार आहे.

मला जर माझ्या तब्येतीमुळे संसदेत जाता आले नाही तर सफरगंज रूग्णालयात येऊन वरिष्ठ नेत्यांनी मला आश्वासन द्यावे. सोनम वांगचुक यांना सरकारकडून उचलून नेऊन उपचारासाठी दाखल करण्यात आले. सोनम वांगचुक यांना उपचारासाठी नेल्यावर या आंदोलनाची हवा निघेल, असा विश्वास सरकारला होता. मात्र, प्रत्यक्षात उलटे घडताना दिसत आहे. सोनम वांगचुक यांच्यावर रूग्णालयात उपचार सुरू असतानाही आंदोलन सुरूच आहे.

अभिजित दिपके तिथे आहे. मध्यरात्रीपासूनच जंतर मंतरवर हालचालींना वेग आल्याचे बघायला मिळतंय. तेथील सीसीटीव्ही कॅमेरेही बंद करण्यात आलीत. यासोबतच परिसरात जॅमर लावण्यात आलीत. सरकार काहीतरी मोठे करण्याच्या तयारीत असल्याचे बोलले जातंय. आता सरकार सोनम वांगचुक यांच्या अटी मान्य करणार का? हे देखील पाहण्यासारखे ठरणार आहे. जर सरकारने या अटी मान्य केल्या तर सोनम वांगचुक उपोषण मागे घेण्यास तयार आहेत.