रुग्णालयातून डिस्चार्ज, पण घरी जाणार नाहीत सोनम वांगचुक, मोठा निर्णय, सर्वात अगोदर..

दिल्लीतील जंतर मंतर येथे मोठे आंदोलन झाले. कॉकरोच जनता पार्टीकडून आंदोलन करण्यात आले. या आंदोलनाला देशभरातून प्रतिसाद मिळाला. विद्यार्थी रस्त्यावर उतरले. एक मोठे आंदोलन उभे राहिले. आंदोलक आक्रमक होताना दिसले. पोलिसांना दिल्लीत लाठीचार्ज करावा लागला. पोलिसांनाही मारहाण झाली. मुंबई, पटनासह अन्य मोठ्या शहरांमध्ये विद्यार्थी रस्त्यावर उतरले. अखेर सरकारने केंद्रीय शिक्षणमंत्री धर्मेंद्र प्रधान यांचा राजीनामा घेतला. हा मोदी सरकारमधील पहिला राजीनामा ठरला. विरोधकांकडून पावसाळी अधिवेशनातही मोठा हंगामा केला जात आहे. पेपरफुटीविरोधाती विधेयक संसदेत आज ठेवण्यात आले. पेपरफुटीविरोधात कडक पाऊले उचलली जात आहेत. अभिजीत दिपकेच्या आंदोलनाला खरे बळ सोनम वांगचुक यांच्यामुळे मिळाले. सोनम वांगचुक तब्बल 26 दिवस उपोषणावर होते.

सोनम वांगचुक यांची तब्येत खालावल्याने सरकारकडून त्यांना उपचारासाठी रूग्णालयात दाखल करण्यात आले. सोनम वांगचुक यांच्यानंतर अभिजीत दिपकेने उपोषणाची धूरा आपल्या हातात घेतली. जेपी नड्डा यांच्या उपस्थितीमध्ये सोनम वांगचुक यांनी उपोषण सोडले. पंतप्रधान नरेंद्र मोदी यांनीही सोनम वांगचुक यांच्या चांगल्या आरोग्यासाठी प्रार्थना केली.

आता सोनम वांगचुक यांना रुग्णालयातून डिस्चार्ज मिळाला असून, त्यांनी सोशल मीडियावर एका व्हिडिओद्वारे ही माहिती दिली. पण डिस्चार्ज मिळाल्यानंतर ते लगेचच घरी जाणार नाहीत. सोनम वांगचुक सर्वात अगोदर आपल्या घरी न जाता राजघाटावर जाणार आहेत, याबाबतची माहिती त्यांनी स्वत: दिली. सोनम वांगचुक यांच्या चांगल्या आरोग्यासाठी देशभरातून प्रार्थना करण्यात आल्या.

AND FINALLY….I'm being discharged from the hospital. Will be going to Rajghat to pay tribute to Mahatma Gandhi and then back to the mountains.Thank you all and BIG THANK YOU to the wonderful team of doctors and staff at Medanta Hospital Gurgaon. pic.twitter.com/BBp5k6JY9X

— Sonam Wangchuk (@Wangchuk66) July 27, 2026

सोनम वांगचुक यांची तब्येत सतत खालावत होती. त्यानंतर सरकारने अचानक त्यांना जंतर मंतरवरून थेट रुग्णालयात दाखल केले. त्यानंतर आता सोनम वांगचुक यांची तब्येत सुधारताना दिसत आहे. सोनम वांगचुक यांच्या उपोषणामुळे या आंदोलनाला बळ मिळाले. देशभरातून लोक सोनम वांगचुक यांचे समर्थन करताना दिसले. शेवटी धर्मेंद्र प्रधान यांच्या राजीनाम्यानंतर त्यांना यश मिळाले. अभिजीत दिपके देखील जंतर मंतरमधील आंदोलनानंतर अद्याप आपल्या घरी पोहोचला नाही. याबाबत कुटुंबियांनीच माहिती दिली.