Sovereign Gold Bond Scheme | स्वस्त सोने खरेदीचा पर्याय, सरकारी गोल्ड बॉन्डमध्ये गुंतवणुकीची संधी

'सॉवरेन गोल्ड बॉन्ड स्कीम' अंतर्गत यावर्षीच्या चौथ्या टप्प्याचे सब्सक्रिप्शन आजपासून 10 जुलैपर्यंत म्हणजे पाच दिवसांसाठी सुरु राहील.

Sovereign Gold Bond Scheme | स्वस्त सोने खरेदीचा पर्याय, सरकारी गोल्ड बॉन्डमध्ये गुंतवणुकीची संधी
Follow us
| Updated on: Jul 06, 2020 | 9:49 AM

नवी दिल्ली : भारतीयांमध्ये असलेली सोने खरेदीची आवड लपलेली नाही. कोरोनाच्या संकट काळातही सोन्याच्या किमतीत वाढ सुरु आहे. केंद्र सरकारने आणलेल्या ‘सॉवरेन गोल्ड बॉन्ड स्कीम’ (Sovereign Gold Bond Scheme) अंतर्गत स्वस्त सोने विक्रीचा पर्याय खुला झाला आहे. ‘शासकीय सोन्याचे बंधपत्र योजना 2020-21’ च्या चौथ्या टप्प्याचे सब्सक्रिप्शन आजपासून (सोमवार 6 जुलै) सुरु होईल, तर 10 जुलै रोजी बंद होईल. (Sovereign Gold Bond Scheme Open On July 6th)

शेअर बाजारात प्रचंड उलथापालथ, एफडी आणि अल्प बचत योजनांवरील व्याजदर कमी झाल्यामुळे गुंतवणूकदार पुन्हा एकदा सोन्याकडे वळले आहेत. त्यामुळेच सोन्याचे दर विक्रमी उच्चांक गाठताना दिसत आहेत. या पार्श्वभूमीवर सरकारने स्वस्तात सोने खरेदी करण्याची सुवर्णसंधी आणली आहे.

आरबीआयने एप्रिलमध्ये जाहीर केले होते, की एप्रिल ते सप्टेंबर 2020 या कालावधीत सरकार सहा हप्त्यांमध्ये सरकारी सोन्याचे बंधपत्र (गोल्ड बाँड) जारी करेल. यावर्षीच्या चौथ्या टप्प्याचे सब्सक्रिप्शन आजपासून 10 जुलैपर्यंत म्हणजे पाच दिवसांसाठी सुरु राहील.

हेही वाचा : ‘सुवर्णनगरी’ जळगावात सोन्याचा नवा उच्चांक, 50 हजार रुपये प्रतितोळा

भारत सरकारच्या वतीने ‘रिझर्व्ह बॅंक ऑफ इंडिया’ हे बाँड जारी करेल. सोन्याच्या बाँडची इश्यू किंमतही प्रति ग्रॅम 4,852 रुपये निश्चित करण्यात आली आहे. यापूर्वी 8 ते 12 जून दरम्यान ही किंमत प्रति ग्रॅम 4,677 रुपये होती. ऑनलाइन गोल्ड बाँड खरेदी करणाऱ्या ग्राहकांना प्रतिग्रॅम 50 रुपयांची अतिरिक्त सूट मिळेल.

सबस्क्रिप्शन सुरु होण्याच्या आधीच्या आठवड्यातील शेवटच्या तीन कार्यालयीन दिवसासाठी ‘आयबीजेए’ने जारी केलेल्या 999 शुद्ध सोन्याच्या क्लोजिंग किंमतीच्या सरासरीनुसार निश्चित केली जाईल, असे रिझर्व्ह बँकेने स्पष्ट केले आहे.

सरकारने आरबीआयशी सल्लामसलत करुन ऑनलाईन अर्ज करणाऱ्या आणि डिजिटल पद्धतीने पेमेंट करणाऱ्या गुंतवणूकदारांना प्रतिग्रॅम 50 रुपयांची सूट देण्याचा निर्णय घेतला आहे. अशा गुंतवणूकदारांची इश्यू किंमत प्रति ग्रॅम 4,802 रुपये असेल. या वर्षाच्या अखेरीस सोन्याच्या किमती वाढतच राहतील, असा अंदाज आहे. यामुळे, ‘सॉवरेन गोल्ड बॉन्ड स्कीम’ला गुंतवणूकदारांकडून चांगला प्रतिसाद मिळू शकतो.

गुंतवणूक कोण करु शकेल?

भारतात राहणारे नागरिक, हिंदू अविभाजित कुटुंबे, विश्वस्त, विद्यापीठे आणि सेवाभावी संस्था या गोल्ड बाँड योजनेत गुंतवणूक करु शकतात. या बाँडमध्ये किमान एक ग्रॅम गुंतवणूक केली जाऊ शकते. एखादी व्यक्ती किंवा हिंदू अविभाजित कुटुंब आर्थिक वर्षात या योजने अंतर्गत चार किलोपर्यंत गुंतवणूक करु शकते. ट्रस्टसारख्या संस्था आर्थिक वर्षात 20 किलोपर्यंत गुंतवणूक करु शकतात. सॉवरेन गोल्ड बाँड योजनेचा कालावधी आठ वर्षांचा आहे. नोव्हेंबर 2015 मध्ये ही योजना सुरु केली गेली.

(Sovereign Gold Bond Scheme Open On July 6th)

Non Stop LIVE Update
संजय राऊत डोक्यावर पडलेले..., भाजपच्या नेत्याचा हल्लाबोल
संजय राऊत डोक्यावर पडलेले..., भाजपच्या नेत्याचा हल्लाबोल.
मनसे पक्ष महायुतीमध्ये सहभागी होणार का?संजय राऊतांची पहिली प्रतिक्रिया
मनसे पक्ष महायुतीमध्ये सहभागी होणार का?संजय राऊतांची पहिली प्रतिक्रिया.
मी लंगोट घालून तयार, मला भाजपला... वसंत मोरे यांनी थोपडले दंड
मी लंगोट घालून तयार, मला भाजपला... वसंत मोरे यांनी थोपडले दंड.
दानवेंची मनसे नेत्यानं काढली अक्कल, पद मिळालं म्हणून...,कुणाचा पलटवार?
दानवेंची मनसे नेत्यानं काढली अक्कल, पद मिळालं म्हणून...,कुणाचा पलटवार?.
दानवे 8-10 दिवसांत आमच्यासोबत..., शिंदे गटाच्या नेत्याचा मोठा दावा
दानवे 8-10 दिवसांत आमच्यासोबत..., शिंदे गटाच्या नेत्याचा मोठा दावा.
भाजप सोडल्यानंतर तुम्हाला कुत्रंही…कुणी केला खडसेंवर जोरदार पलटवार?
भाजप सोडल्यानंतर तुम्हाला कुत्रंही…कुणी केला खडसेंवर जोरदार पलटवार?.
स्मशानभूमीत जाण्यास डॉक्टरकडूनच अडकाठी, कुठं घडला धक्कादायक प्रकार?
स्मशानभूमीत जाण्यास डॉक्टरकडूनच अडकाठी, कुठं घडला धक्कादायक प्रकार?.
मुख्यमंत्र्यांच्या भेटीनंतरही अजितदादांवर शिवतारेंची शाब्दिक फायरिंग
मुख्यमंत्र्यांच्या भेटीनंतरही अजितदादांवर शिवतारेंची शाब्दिक फायरिंग.
'मविआ'चा फॉर्म्युला फायनल, ठाकरे गट, पवार गटाची उमेदवारांची नावं ठरली?
'मविआ'चा फॉर्म्युला फायनल, ठाकरे गट, पवार गटाची उमेदवारांची नावं ठरली?.
भाजप-मनसे युतीवर दिल्लीत शिक्कामोर्तब? राज दिल्लीला, महायुतीत येणार?
भाजप-मनसे युतीवर दिल्लीत शिक्कामोर्तब? राज दिल्लीला, महायुतीत येणार?.