इम्युनिटीवर वार करतोय कोरोनाचा नवा व्हेरिएंट, जाणून घ्या काय आहेत त्याची लक्षणे
COVID-19 चा नवा Jn.1 व्हेरिएंट भारतात देखील पोहोचला आहे. काही राज्यांमध्ये याची रुग्ण आढळले आहेत. कोरोना व्हेरिएंट Omicron चे Jn.1 चे sub-variant 41 देशांनंतर भारतात देखील आता पाय पसरु लागला आहे. या नव्या व्हेरिएंटची लक्षणे काय आहेत, किती गंभीर आहे? जाणून घ्या.
Covid 19 Update : देशात पुन्हा एकदा कोरोनाचे रुग्ण वाढू लागले आहेत. यानंतर केंद्रीय आरोग्य मंत्रालयाने सतर्कतेचा इशारा दिला आहे. आकडेवारीनुसार, गुरुवारी भारतात 594 नवीन कोविड-19 संसर्गाची प्रकरणे नोंदवण्यात आली आहेत. त्यामुळे कोरोनाच्या सक्रिय रुग्णांची संख्या 2311 वरून 2669 वर पोहोचली आहे. आगामी काळात कोरोनाची प्रकरणे वाढू शकतात कारण कोरोनाचे नवीन सब-व्हेरियंट जेएन.१ ची प्रकरणे भारतातही नोंदवली गेली आहेत. JN.1 हे Omicron च्या BA.2.86 च्या उप-व्हेरियंटपासून बनला आहे आणि 2022 च्या सुरूवातीला, BA.2.86 मुळेच कोरोनाची दुसरी लाट आली होती.
भारतातच नाही, तर जगभरात हा व्हेरिएंट वेगाने पसरत आहे. NITI आयोगाचे सदस्य VK पॉल म्हणाले, ‘JN.1 प्रकारामुळे कोविड प्रकरणांमध्ये वाढ झाली आहे परंतु त्यामुळे गंभीर प्रकरणांमध्ये कोणतीही वाढ झालेली नाही. हाच विषाणू इतर देशांमध्येही पसरत आहे.
WHO म्हणतो की, ‘JN.1 प्रकाराचे आरोग्यावर होणारे परिणाम जाणून घेण्यासाठी अधिक अभ्यास आवश्यक आहेत. JN.1 मजबूत प्रतिकारशक्ती असलेल्यांवरही परिणाम करत आहे. ज्या देशांमध्ये थंडी असते त्यांनीही काळजी घ्यावी.
JN.1 ची लक्षणे
कोविड-19 ची लक्षणे सर्व प्रकारांमध्ये सामान्य आहेत. CDC नुसार, JN.1 प्रकार इतर प्रकारांच्या तुलनेत नवीन लक्षणांसह पसरू शकतो किंवा नाही. आत्तापर्यंत, कोरोनाच्या रूग्णांमध्ये सर्वात सामान्य लक्षणांमध्ये ताप, सर्दी, घसा खवखवणे, डोकेदुखी आणि सौम्य गॅस्ट्रोइंटेस्टाइनल लक्षणे यांचा समावेश आहे.
मास्क घालावे का?
‘लग्न हॉल, ट्रेन आणि बस यासारख्या बंद गर्दीच्या ठिकाणी मास्क घालणे उचित ठरेल. कारण यामुळे कोविडसह अनेक वायुजन्य रोगांपासून संरक्षण होईल. पण आत्ताच मास्क अनिवार्य करण्याची गरज नाही.
‘वृद्ध, गर्भवती महिला आणि कमकुवत प्रतिकारशक्ती असलेल्या लोकांनी गर्दीच्या ठिकाणी जाणे टाळावे. त्यांनी मास्क घालणे आवश्यक आहे. श्वसन संक्रमण, सर्दी आणि खोकला असलेल्यांनी गर्दीच्या ठिकाणी मास्क वापरावेत.
बूस्टर डोस घेणे आवश्यक आहे का?
या लसीने गंभीर आजारांना प्रतिबंध करण्यासाठी चांगले काम केले आहे, परंतु तरीही अनेक लोकांमध्ये रोगप्रतिकारक शक्ती कमकुवत असल्याचे दिसून आले आहे कारण ज्या लोकांना आधीच लसीचे दोन डोस मिळाले आहेत त्यांना देखील संसर्ग होत आहे.
