TV9 Festival of India: सणांचा आनंद होणार दुप्पट, टीव्ही 9 कडून खास आयोजन

TV9 फेस्टिव्हल ऑफ इंडिया : TV 9 नेटवर्कचा हा उपक्रम उत्सवाचा आनंद द्विगुणीत करणार आहे. पाच दिवस चालणाऱ्या या कार्यक्रमासाठी कोणतेही प्रवेश शुल्क नाही. येत्या शुक्रवारी (20 ऑक्टोबर) TV9 नेटवर्कचा हा 'फेस्टिव्हल ऑफ इंडिया' सकाळी 10 वाजल्यापासून सुरू होत आहे.

shailesh musale | Updated on: Oct 19, 2023 | 4:08 PM

नवी दिल्ली : TV9 नेटवर्क उत्सव आणखी रंगतदार बनवला आहे. कारण TV9 नेटवर्क 20 ऑक्टोबरपासून दिल्लीतील मेजर ध्यानचंद स्टेडियममध्ये ‘फेस्टिव्हल ऑफ इंडिया’ कार्यक्रमाचे आयोजन करत आहे. हा कार्यक्रम 24 ऑक्टोबरपर्यंत सुरू राहणार आहे. टीव्ही ९ नेटवर्कचा हा उपक्रम षष्ठी ते दशमीपर्यंत उत्सवाचा उत्साह वाढवेल. पाच दिवस चालणाऱ्या या कार्यक्रमासाठी कोणतेही प्रवेश शुल्क नसणार आहे. येत्या शुक्रवारी (20 ऑक्टोबर) TV9 नेटवर्कचा हा ‘फेस्टिव्हल ऑफ इंडिया’ सकाळी 10 वाजल्यापासून सुरू होईल. टीव्ही नाईन नेटवर्कने दिवाळीपूर्वी दुर्गापूजेच्या मोसमात आयोजित केलेल्या या कार्यक्रमात तुम्हाला केवळ भारतीयच नव्हे तर परदेशी उत्पादनांचीही खरेदी करण्याची संधी मिळणार आहे.

याशिवाय रसनातृप्तीचे सर्व घटक असणार आहेत. येथे तुम्हाला भारताच्या विविध भागातून तोंडाला पाणी आणणारे पदार्थ मिळतील. सणासुदीच्या दिवसांमध्ये येथे तुम्हाला 100 पेक्षा जास्त विविध खाद्यपदार्थांचे स्टॉल्स पाहायला मिळतील. तुम्हाला भारतातील विविध राज्यांतील खाद्यपदार्थांचे स्टॉल तसेच ‘फेस्टिव्हल ऑफ इंडिया’मध्ये जगाच्या विविध भागांतील काही लोकप्रिय खाद्यपदार्थ पाहायला मिळतील.

याशिवाय फॅशनेबल कपडे, अत्याधुनिक गॅजेट्स, इलेक्ट्रॉनिक वस्तू, फर्निचर, गृहोपयोगी वस्तू आणि वाहनांचे विविध स्टॉल्स असणार आहेत. येथून तुम्ही तुमच्या आवडीच्या वस्तू अगदी वाजवी दरात खरेदी करू शकता. दुचाकीचा स्टॉलही आहे. TV9 नेटवर्कच्या या ‘फेस्टिव्हल ऑफ इंडिया’मध्ये देश-विदेशातील विविध उत्पादनांचे प्रदर्शन होणार आहे. इटली, तुर्कस्तान, इराण, अफगाणिस्तान, थायलंड आदी अनेक देशांतील प्रदर्शने येथे भरवली जात आहेत.

देश-विदेशातील केवळ लक्षवेधी उत्पादने आणि तोंडाला पाणी आणणारे खाद्यपदार्थच नाही, तर तुम्हाला ‘फेस्टिव्हल ऑफ इंडिया’मध्ये थेट संगीताचा आनंद घेण्याचीही संधी मिळेल. सणासुदीच्या काळात येथे विविध कार्यक्रमांचे आयोजन करण्यात येणार आहे. विविध राज्ये येथे आपापल्या कला आणि संस्कृतीचे प्रदर्शन करतील. या सणाच्या मूडमध्ये तुम्हाला देशाच्या संस्कृतीची आणि भारताच्या विविध भागातील जीवनशैलीची झलक पाहायला मिळेल. एकंदरीत, TV9 नेटवर्कने आयोजित केलेला ‘फेस्टिव्हल ऑफ इंडिया’ सणासुदीच्या दिवसांना अधिक रंगतदार बनवणार आहे.