नाकात ऑक्सिजनची नळी, उरात रुग्णसेवेची बांधिलकी; श्रीनगरच्या वाहनचालकाचा महामारीत अनोखा आदर्श

श्रीनगर : देशात कोरोनाच्या दुसऱ्या लाटेच्या संसर्गाची चिंता कायम आहे. दैनंदिन रुग्णसंख्या अजूनही तीन लाखांच्याच वर नोंद होत आहे. त्यात बळींचा आकडाही धडकी भरवत आहे. एकीकडे ही भीषण परिस्थिती असून ऑक्सिजनच्या तुटवड्यामुळे अनेक रुग्णांची मृत्यूशी सुरू असलेली झुंज अपयशी ठरत आहे. या संकटात श्रीनगरमधील एका वाहनचालकाची सामाजिक बांधिलकी उत्साह वाढवणारी तसेच कौतुकाचा विषय बनली आहे. कारण स्वत: दम्याचा रुग्ण असतानाही हा वाहनचालक नाकात ऑक्सिजनची नळी आणि गाडीच्या स्टेअरिंगवर दोन हात, अशा स्थितीत इतर रुग्णांना ऑक्सिजन पोहोचवण्याची सेवा करीत आहे. (Unique ideal of Srinagar driver in corona epidemic)

देशातील कोरोनाचा कहर आटोक्यात येत नसल्यामुळे आरोग्य व्यवस्थेवर प्रचंड ताण आला आहे. त्यामुळे अनेक रुग्णांना ऑक्सिजन मिळत नाहीय. ऑक्सिजन सिलिंडर्स मिळवण्यासाठी अनेकांना उन्हातान्हात वणवण करावी लागत आहे. रुग्णांच्या वाट्याला ही भयानक परिस्थिती आल्याचे पाहून दम्याचे रुग्ण असलेले मंजूर अहमद स्वत: रुग्णसेवेसाठी घराबाहेर पडले आहेत. ते कोरोनाच्या रुग्णांपर्यंत ऑक्सिजन पोहोचवण्याची महान सेवा करीत आहेत.

मिडीया रिपोर्टनुसार, दम्याचे रुग्ण मंजूर अहमद हे ऑक्सिजनशिवाय राहू शकत नाहीत. अशा परिस्थितीत त्यांचे दोन्ही हात स्टेअरिंगवर व्यस्त आहेत. ते ऑक्सिजन सिलिंडर्सची डिलीव्हरी करणारी गाडी चालवतात. कोरोना महामारीत ठणठणीत असलेल्या लोकांनाही ऑक्सिजनची गरज भासत आहे. अशा संकटात मंजूर हे स्वत:च्या जीवाची पर्वा न करता गरजू लोकांपर्यंत ऑक्सिजन पोहोचवण्याची सेवा करीत आहेत.

नाकात ऑक्सिजनची नळी आणि शेजारच्या सीटवर ऑक्सिजन सिलिंडर

कोरोना महामारीत लोक आपल्या घराबाहेर पडण्यास घाबरत आहेत. अशा परिस्थितीत रुग्णसेवा तसेच कुटुंबाच्या उदरनिर्वाहाच्या काळजीने मंजूर रस्त्यांवर आपली गाडी चालवत आहेत. नाकात ऑक्सिजनची नळी आणि शेजारच्या सीटवर ऑक्सिजन सिलिंडर, हे छायाचित्र पाहणार्यांचे मन सुन्न करीत आहे. याचवेळी मंजूर यांच्या धाडसी रुग्णसेवेचे तितकेच कौतुकही होत आहे. मंजूर यांना दर महिन्याला जवळपास 30 ते 40 ऑक्सिजन सिलिंडर्सची गरज भासते. जोपर्यंत हातपाय चालताहेत, तोपर्यंत स्वत: कमावण्याचा प्रयत्न करतोय. जेथे ऑक्सिजनची गरज लागते, तेथून मला फोन येतो आणि मला ऑक्सिजन सिलिंडर्स पोहोचवण्यासाठी गाडी बाहेर काढावी लागते, असे मंजूर सांगतात. संकट कितीही गंभीर असले तरी आपण खंबीर राहिले पाहिजे. जे संकटात हार मानतात, खचून जातात, त्यांच्यासाठी मंजूर यांचे उदाहरण संकटात डगमगून न जाण्याचा संदेश देत आहे. (Unique ideal of Srinagar driver in corona epidemic)

परिस्थिती बिघडली, तुकाराम मुंढेंना परत बोलवा, शहरभर पोस्टर लावून मागणी#Coronalockdown #coronapatients #Coronavirus #CoronaWave #TukaramMundhehttps://t.co/cIJJ9yRO06

— TV9 Marathi (@TV9Marathi) May 11, 2021

इतर बातम्या

“आधी जीव वाचवा मग क्रिकेट खेळत बसा”, PSL स्पर्धेवरून जावेद मियाँदाद संतापला

Maratha Reservation : सर्वोच्च न्यायालयाच्या निकालाच्या अभ्यासासाठी समिती स्थापन, 31 मे पर्यंत अहवाल देणार