मोठी बातमी! ज्याची भीती होती अखेर तेच घडलं; जगात तिसऱ्या युद्धाला सुरुवात, 24 तासांमध्ये 1900 हल्ले, थेट…
एकीकडे आधीच जगात दोन मोठी युद्ध सुरू आहेत. अमेरिका आणि इराणमध्ये युद्ध सुरू आहे. रशिया आणि युक्रेन युद्ध देखील थांबलं नाही, त्यातच आता जगात तिसरं युद्ध सुरू झालं आहे. 24 तासांमध्ये 1900 पेक्षा जास्त हल्ले करण्यात आले आहे.
एकीकडे रशिया आणि युक्रेनमध्ये युद्ध सुरू आहे, गेल्या पाच वर्षांपासून हे युद्ध सुरूच आहे. त्यावर कोणताही तोडगा निघू शकलेला नाहीये. या युद्धामध्ये युक्रेन आणि रशियाचं प्रचंड नुकसान झालं आहे. अमेरिकेनं या युद्धात मध्यस्थी करण्याचा प्रयत्न केला होता. परंतु त्यांना त्यामध्ये यश आलं नाही. त्यानंतर अमेरिकेचे राष्ट्राध्यक्ष डोनाल्ड ट्रम्प यांच्याकडून रशियावर निर्बंध लादण्यात आले. दरम्यान दुसरीकडे अमेरिका आणि इराणमध्ये देखील युद्ध सुरूच आहे. 28 फेब्रुवारी रोजी या युद्धाला सुरुवात झाली होती. या युद्धामध्ये आतापर्यंत अमेरिका आणि इस्त्रायलच्या हल्ल्यांमध्ये इराणचं प्रचंड नुकसान झालं आहे. इराणच्या सर्व पायाभूत सुविधा उद्ध्वस्त झाल्या आहेत. तर दुसरीकडे इराणकडून देखील आखातामध्ये ज्या -ज्या ठिकाणी अमेरिकेची सैन्य तळं आहेत, त्या -त्या ठिकाणी हल्ले करण्यात आले आहेत. या युद्धात अमेरिकेचं देखील मोठं नुकसान झालं आहे.
दरम्यान एकीकडे रशिया आणि युक्रेन तसेच अमेरिका आणि इराणमध्ये युद्ध सुरू असताना आता जगात तिसरं युद्ध सुरू झालं आहे. ते म्हणजे यमनकडून हुती बंडखोरांवर हल्ले करण्यात आले आहेत. यावेळी सौदी अरेबियाने देखील यमनला मदत केली आहे. यमनकडून हुती बंडखोरांवर हल्ले सुरू असतानाच सौदी अरेबियाने देखील एअर स्ट्राईक केला आहे. यमन सरकारच्या दाव्यानुसार गेल्या 24 तासांमध्ये जिथे-जिथे हुती बंडखोर आहेत, अशा वेगवेगळ्या भागांमध्ये तब्बल 1900 पेक्षा जास्त हल्ले करण्यात आले आहेत. या हल्ल्यामध्ये 1,150 हुन अधिक हुती बंडखोरांचा खात्मा झाला आहे. दरम्यान याला प्रत्युत्तर म्हणून हुती बंडखोरांकडून देखील यमनवर जोरदार हल्ला करण्यात आला आहे. मात्र या युद्धात सध्या तरी यमन वरचढ ठरल्याचं पहायला मिळत असून, यमनने हुती बंडखोरांचं शस्त्रभंडार ताब्यात घेतल्याची माहिती समोर येत आहे. तसेच हुती बंडखोरांना ज्या-ज्या मार्गाने रसद पुरवली जात होती, ते सर्व मार्ग बंद केले आहेत.
यमनच्या प्रवक्त्याकडून असा दावा करण्यात आला आहे की, यमनचं सैन्य पुढे जात आहे. हुती बंडखोरांचं वचर्स्व असलेली अनेक ठिकाणं यमनच्या सैन्यांनी ताब्यात घेतली आहे. बाब- अल-मंदेब स्ट्रेट परिसरात जोरदार युद्ध सुरू आहे. हुती बंडखोरांनी ज्या प्रदेशावर कब्जा केला होता, ते -ते प्रदेश आता ताब्यात घेण्यात आले आहेत, असा दावा यमन सरकारकडून करण्यता आला आहे.
