​Airplane Full Speed : विमानाचं फूल स्पीड किती असतं? पायलट जास्तीत जास्त किती गतीनं विमानाचं उड्डाण करू शकतो?

जेव्हा तुम्ही तुमच्या घराच्या अंगणामधून किंवा रस्त्याने जात असताना हवेत उंचावर उडणाऱ्या विमानाकडे पहाता तेव्हा तुम्हाला कधी असा प्रश्न पडला आहे का? की जर समजा विमानाचं फूल स्पीड केलं तर त्याची गती जास्तीत जास्त किती असू शकते? आज आपण विमानाच्या गतीबद्दल जाणून घेणार आहोत. सर्वसामान्यपणे विमानाची गती ही उड्डाणावेळी वातावरण कसं आहे? ढगाळ वातावरण आहे की स्वच्छ वातावरण आहे. विमान कोणत्या प्रकारचं आहे? प्रवाशी संख्या किती आहे? विमान आकाशात किती उंचावरून उडत आहे? या सर्व घटकांवर विमानाची गती अवलंबून असते. सर्व साधारणपणे विमान जेव्हा धावपट्टीवरून टेक ऑफ करतं तेव्हा त्याची गती ही प्रति तास 250 ते 300 किमी एवढी असते. विमान टेक ऑफ झाल्यानंतर विमानाची गती वाढवली जाते. चला तर मग जाणून घेऊयात विमानाची जास्तीत जास्त गती किती असते? त्याबद्दल.

विमानाची गती ही विमान किती उंचावरून उडत आहे? यावर अवलंबून असते, विमान जेव्हा टेक ऑफ करत असतं तेव्हा विमानाचं स्पीड हे 250 ते 300 किमी प्रतितास एवढं असतं. तर जेव्हा विमान हे आपल्या निर्धारित उंचीवर पोहोचते तेव्हा ते अधिक गती पकडतं, प्रवाशी विमानाचा वेग सामान्यपणे प्रति तास 800 ते 900 किमी इतका असतो, तर जे मोठे विमान असतात त्यांचा वेग जास्तीत जास्त प्रतितास 900 ते 950 किमी इतका असतो. जेव्हा विमान टेक ऑफ करत असतं तेव्हा त्याचा वेग हा प्रति तास 250 ते 260 किमी इतका असतो.

प्रवासी विमान कोणतंही असो त्याचा जास्तीत जास्त वेग हा ताशी 900 ते 950 इतकाच असतो, मात्र जे फायटर जेट असतात त्यांचा वेग हा प्रचंड असतो. फायटर जेटचा वेग हा प्रति तास 2,000 ते 2,500 किमी इतका असतो. याचाच अर्थ फायटर जेटचा वेग हा आवाजाच्या गतीपेक्षा देखील जास्त असतो. कॉनकॉर्ड नावाचं एक सुपरसोनिक प्रवासी विमान होतं, जे प्रति तास 2,180 किमी एवढ्या प्रचंड वेगानं उडत होतं. मात्र त्याला इंधन प्रचंड प्रमाणात लागत असल्यानं सध्या या विमानाची सेवा बंद करण्यात आली आहे.