मटणाचा कोणता भाग सर्वाधिक पौष्टिक असतो? दररोज खाणाऱ्यांना सुद्धा नाही सांगता येणार

मटण म्हटलं की अनेकांच्या तोंडाला पाणी सुटतं, नॉनव्हेजमध्ये भारतात मटणाला सर्वाधिक पसंती आहे. मटणाचे विविध प्रकार देखील बाजारात उपलब्ध आहेत, जसं की तांबडा रस्सा, पांढरा रस्ता, मटण खिम्मा, अशा अनेक मटणाच्या डिश तुम्हाला हॉटेलमध्ये पहायला मिळतात. चिकन, अंडी यांच्या तुलनेत नॉनव्हेज प्रेमी खवय्यांची पहिली पसंत ही नेहमीच मटण असते. त्यात जर चुलीवरच्या बाजरीच्या भाकरी आणि मटण असा बेत जुळून आला तर मग पहायचं कामच नाही. अनेक जण मोठ्या आवडीने मटणावर ताव मारतात. भारतामध्ये अशा लोकांची संख्या मोठ्या प्रमाणात आहेत, जे दररोज किंवा आठवड्यातून कमीत कमी दोन ते तीन दिवस मटण खात असतील. परंतु तुम्हाला हे माहिती आहे का? की मटणाचा सर्वात जास्त पौष्टिक भाग कोणता असतो?

मटण हे रेड मीटच्या श्रेणीमध्ये येतं. सर्वसाधारणपणे बोकडाच्या मांसाला मटण असं म्हटलं जातं. मटण हे शरीराला पौष्टिक असतं. मात्र भारतासारख्या देशात त्याचे भाव हे प्रचंड असल्यानं ते सर्वांनाच परवडत असं नाही. भारतामध्ये सध्या स्थितीत मटणाची किंमत प्रति किलो 600 ते 700 रुपये एवढी आहे. ज्या लोकांना मटण विकत घेणं परवडत नाही ते लोक शरीराच्या पोषणासाठी अंडी आणि चीकन देखील खातात. मात्र अंडी आणि चीकनच्या तुलनेत मटण हे जास्त पौष्टिक असतं.

मटणाचा कोणता भाग सर्वाधिक पौष्टिक?

एका संशोधनानुसार 100 ग्रॅम मटणामध्ये साधारणपणे 33 ग्रॅम प्रोटीन असते, यासोबतच त्यामध्ये व्हिटॅमिन बी 12, आर्यन आणि झिंक देखील मोठ्या प्रमाणात असते. जे व्यक्ती नियमितपणे मटण खातात त्यांना बी 12 व्हिटॅमिनची कमतरता जाणवत नाही. मटण म्हणजे खनिजांचा सर्वात उत्तम स्त्रोत असतो. तज्ज्ञांच्या मते बोकडाचे पुढचे पाय, शोल्डर, घसा, लिव्हर, बरगड्या आणि छाती हे भाग सर्वाधिक पौष्टिक असतात. मटण खरेदी करताना एक गोष्टी नेहमी लक्षात ठेवावी, बोकड हे जास्त लहान किंवा खूप वृद्ध नसावे. तसेच त्याचे सरासरी वजन हे 8 ते 10 किलोच्या आसपास असावे अशा बोकडाचे मटण हे उत्तम तसेच पौष्टिक असते.