IAS उमेदवारांची मुलाखत कोण घेते ? पॅनलमध्ये किती लोक असतात ?

भारतातील सर्वात अवघड परीक्षा असलेल्या यूपीएससी संदर्भात अनेकांना आकर्षण आहे. दरवर्षी सिव्हील सेवेसाठी ८ ते १० लाख लोक अर्ज करतात. मात्र,परीक्षेसाठी बसणाऱ्यांची संख्या कमी असते. साल २०२५ मध्ये UPSC CSE 2025 मध्ये सुमारे ९.३७ लाख उमेदवारांनी अर्ज केला होता. त्यातील ५.७७ लाख उमेदवार परीक्षेसाठी बसले. तर २०२६ मध्ये परीक्षेसाठी अर्ज करणाऱ्यांची संख्या ८.१९ लाख होती. मात्र, ५.४९ लाख उमेदवार परीक्षेसाठी बसले. या आकड्यांवरुन सिव्हील सेवेचे आकर्षण दिसून येते. परंतू तुम्हाला माहिती आहे का आयएएसची मुलाखत कोण घेते ?

कोण घेते IAS ची मुलाखत ?

वास्तविक आयएएस उमेदवारांची मुलाखत एका बोर्डद्वारा घेतली जाते. ज्यात बोर्ड चेअरमन ( युपीएससीचे सदस्य ) असतात. त्यांच्या सोबत चार अन्य सदस्य देखील असतात. हे सदस्य माजी नोकरशाह,शिक्षण क्षेत्रातील तज्ज्ञ, एक्सपर्ट्स आणि संरक्षण अधिकारी किंवा विविध क्षेत्रातील अनुभवी व्यक्ती असतात.

ही मुलाखत यासाठी घेतली जाते की उमेदवाराच्या ज्ञानातून जास्तीत जास्त त्याची

Personality

Decision Making Ability

Communication Qualities

Leadership Qualities

Administrative Aptitude पाहिली जाते..

जर उमेदवाराला विचारल्या जाणाऱ्या प्रश्नांचा विचार केला तर तुमचा DAF (Detailed Application Form), शिक्षण आणि कामाचा अनुभव, हॉबी आणि इंटरेस्ट, करंट अफेअर्स, सामाजिक आणि आर्थिक मुद्दे, राष्ट्रीय मुद्दे, परिस्थिती आधारित प्रश्न विचारले जातात.

IAS अधिकारी मुलाखत घेतात का ?

कधी-कधी मुलाखत घेणाऱ्या बोर्डात सेवानिवृत्त IAS, IPS, IFS वा अन्य वरिष्ठ अधिकारी सदस्याच्या रुपात सामील होऊ शकतात. परंतू मुलाखत कधी एका आयएएस अधिकाऱ्याद्वारा घेतली जात नाही. मुलाखत ही पाच सदस्यांच्या बोर्डाद्वारे घेतली जाते.