Mathura : प्रभू श्री रामचंद्राच्या मूर्तिविषयीची दोन मोठी रहस्य? जाणून घ्या
रामलल्ला आज 22 जानेवारीला शुभ मुहूर्तावर भव्य मंदिरात विराजमान झाले आहेत. फक्त देशानेच नाहीतर संपूर्ण जगाने हा सोहळा पाहिला आहे. रामचंद्रांची मूर्तीबद्दलचे काही रहस्य जाणून घ्या.
मुंबई : प्रभू श्री रामचंद्रांच्या मूर्तीची प्राणप्रतिष्ठा झाली भव्य राम मंदिरात आता रामलल्ला विराजमान झाले आहेत. देशभारातून रामभक्त अयोध्येमध्ये आले असून सर्व भक्तीमय वातावरण झालेलं आहे. राम मंदिर सोहळ्याचा उत्सव मोठ्या थाटामाटात पार पडला. रामलल्लाच्या मूर्तीची सर्वत्र चर्चा होताना दिसत आहे. अनेकांना प्रश्न पडला आहे की, मूर्तीचा रंग हा काळा का आहे? त्यासोबतच बाल स्वरूपात मूर्ती का आहे? जाणून घ्या.
प्रभू श्री रामचंद्रांच्या मूर्तीचा रंग का काळा?
महर्षी वाल्मिकी यांनी रामायणामध्ये प्रभू श्रीरामचंद्रांचं वर्णन श्यामल रूपाचं वर्णन केलं आहे. त्यासोबतच ही मूर्ती श्याम शिला दगडापासून बनवण्यात आली आहे. हा दगड हजारो वर्षे चांगला राहू शकतो. त्यावर कोणताही परिणाम होत नाही. कारण हिंदू धर्मामध्ये पूजेच्या वेळी अभिषेक होतो तेव्हा पाणी, चंदन किंवा दूध वाहिलं जातं. यासारख्या गोष्टींचा मूर्तीवर काही परिणाम होत नाही.
बाल स्वरूपात मूर्ती का बनवली गेली?
देवतेच्या जन्मस्थानात बाल स्वरूपाची पूजा केली जाते. त्यामुळे प्रभी श्रीरामाची मूर्ती बालरूपात साकारण्यात आली आहे. कोणत्याही मूर्तीचा प्राणप्रतिष्ठा विधी केला जातो. कारण मूर्तीमध्ये प्राण आणण्यासाठी मंत्रोच्चार करून देवतांना आवाहन केलं जातं. कारण प्राणप्रतिष्ठा केल्यशिवाय मूर्तीपूजा पूर्ण मानली जात नाही.
राम मंदिर बनवण्यासाठी करोडोरूपयांचा निधी लागला. सर्वसामन्यांकडूनही यासाठी निधी गोळा करण्यात आला होता. आता भव्यदिव्य राम मंदिरात रामलल्ल विराजमान झाले आहेत.
