इतकं रोमँटिक गाणं की 29 वर्षानंतरही या गाण्याचे तरुण आहेत वेडे, अजूनही लोक वेळ काढून ऐकतात गाणं
29 वर्षे जुने प्रचंड रोमँटिक गाणं, ज्याचे संगीत आणि शब्द ऐकताच तरुण मुलं होतात प्रेमात पागल, आजही हे गाणं प्रत्येक लग्नात, स्टेज शो अशा विविध ठिकाणी लावले जाते.
90 च्या दशकात बॉलिवूडमध्ये अनेक रोमँटिक गाणी आली, ज्यांनी चाहत्यांच्या मनावर कायमची छाप सोडली. आजही ही गाणी लोकांच्या प्लेलिस्टमध्ये आवर्जून ऐकली जातात.
‘परदेस’ चित्रपटातील ‘Meri Mehbooba’ हे गाणे आजही चाहत्यांच्या मनात तितकेच लोकप्रिय आहे. 'जरा तस्वीर से तू निकल के सामने आ, मेरी मेहबूबा…' हे बोल ऐकताच 90च्या दशकातील आठवणी ताज्या होतात. या गाण्याला कुमार सानू आणि अलका याज्ञनिक यांनी आपल्या सुरेल आवाजाने सजवले होते.
तर पडद्यावर शाहरुख खान आणि महिमा चौधरी यांची रोमँटिक केमिस्ट्री चाहत्यांना प्रचंड आवडली होती. त्यामुळे जवळपास 29 वर्षांनंतरही या गाण्याची लोकप्रियता अजिबात कमी झालेली नाही.
त्या काळात हे गाणे केवळ रेडिओ आणि कॅसेटपुरते मर्यादित नव्हते. लग्नसमारंभ, स्टेज शो आणि विविध कार्यक्रमांमध्ये हे गाणे हमखास वाजत असे. आजही सोशल मीडियावर या गाण्याची लोकप्रियता कायम आहे. इंस्टाग्राम रील्स आणि यूट्यूब शॉर्ट्सवर अनेकजण या गाण्याचे रिक्रिएशन करताना दिसतात.
‘परदेस’ हा चित्रपट 1997 मध्ये प्रदर्शित झाला होता. सुमारे 10 कोटी रुपयांच्या बजेटमध्ये तयार झालेल्या या चित्रपटाने बॉक्स ऑफिसवर जवळपास 41 कोटी रुपयांची कमाई केली होती. त्या काळात ही खूप मोठी कमाई मानली जात होती.
