जगातील सर्वात मोठा महाफ्लॉप चित्रपट, ज्याने निर्मात्याचे केले 2100 कोटींचं नुकसान
जगातील सर्वात मोठा महाफ्लॉप चित्रपट, ज्याने निर्मात्याचे केले 2100 कोटींचे नुकसान. पण IMDb वर मिळाली प्रेक्षकांची पसंती. कोणता आहे चित्रपट?
कधी कधी एखाद्या चित्रपटावर प्रचंड पैसा आणि अपेक्षा लावल्या जातात. मोठा बजेट, भव्य स्टारकास्ट आणि जोरदार प्रमोशन यामुळे निर्माते आणि प्रेक्षक दोघांनाही त्या चित्रपटाकडून मोठ्या यशाची अपेक्षा असते.
मात्र प्रत्येक वेळी समीकरण जुळतंच असं नाही. काही वेळा चित्रपट चांगला असतानाही तो प्रेक्षकांना भावत नाही आणि मोठं नुकसान सहन करावं लागतं. अशाच एका हॉलीवूड चित्रपटाची ही कहाणी आहे, ज्याला आजपर्यंतच्या सर्वात मोठ्या फ्लॉप चित्रपटांपैकी एक मानलं जातं.
आज आपण ज्या चित्रपटाबद्दल बोलत आहोत तो म्हणजे John Carter. हा सायन्स फिक्शन अॅक्शन-अॅडव्हेंचर चित्रपट 2012 साली प्रदर्शित झाला होता. या चित्रपटाची कथा मंगळ ग्रहावर आधारित आहे. कथेमध्ये अॅक्शन, साहस आणि भावनिक प्रसंगांचा चांगला मेळ आहे. तरीही, ही कथा प्रेक्षकांना फारशी गुंतवून ठेवू शकली नाही.
या चित्रपटाचे बजेट जवळपास 2162 कोटी रुपये इतके होते. चित्रपटाने बॉक्स ऑफिसवर सुमारे 2370 कोटी रुपये कमावले. ही कमाई चांगली वाटते, पण मार्केटिंग आणि इतर खर्च मिळून The Walt Disney Company ला सुमारे 2100 कोटी रुपयांचं नुकसान सहन करावं लागलं. त्यामुळे हा चित्रपट इतिहासातील सर्वात मोठ्या फ्लॉप चित्रपटांपैकी एक ठरला.
फ्लॉप ठरूनही या चित्रपटाला IMDb वर 6.6 अशी सरासरी रेटिंग मिळाली आहे. अनेक प्रेक्षकांना चित्रपटाचे व्हिज्युअल्स आणि संकल्पना आवडली, पण कथा कमकुवत असल्याची टीका झाली. पुढे ओटीटी प्लॅटफॉर्मवर आल्यानंतर या चित्रपटाला एक वेगळा प्रेक्षक वर्ग मिळाला.
