गरब्यात प्रत्येक तरुणींना थिरकायला लावणारं गाणं, ऐकू येताच अनेकजण गुणगुणतात, प्रचंड सुपरहिट
गरब्यामध्ये प्रत्येक तरुण-तरुणीला थिरकायला लावणारं गाणं. ज्याचे संगीत ऐकू आलं तरी Gen Z चे पाय थिरकू लागतात. 26 वर्षांपासून प्रत्येक नवरात्रीमध्ये ऐकायला मिळतं.
नवरात्रीचा उत्साह सुरू झाला की गरबा आणि दांडियाच्या तालावर थिरकण्याची मजा काही वेगळीच असते. अशा वेळी अनेक वर्षांपूर्वीची काही गाणी आजही चाहत्यांना ठेका धरायला भाग पाडतात.
असंच एक लोकप्रिय गाणं म्हणजे ‘बन ठन चली’. 2000 मध्ये प्रदर्शित झालेल्या ‘बन ठन चली’ या गाण्याची क्रेझ आजही कायम असून नवरात्रीच्या गरबा नाइटमध्ये हे गाणं आवर्जून ऐकायला मिळतं.
या गाण्यात अभिनेत्री, मॉडेल आणि डान्सर कश्मीरा शाह हिचा जबरदस्त डान्स पाहायला मिळाला होता. तिच्या नृत्यशैलीने आणि अदांनी प्रेक्षकांचं लक्ष वेधून घेतलं. गोविंदाचा भाचा कृष्णा अभिषेक याची पत्नी म्हणूनही कश्मीरा ओळखली जाते.
याशिवाय तिने ‘जंगल’, ‘वास्तव’, ‘प्यार होना ही था’ आणि ‘वेक अप सिड’ यांसारख्या चित्रपटांमध्येही काम केलं आहे. ‘बन ठन चली’ या गाण्याला गायक सुखविंदर सिंह आणि गायिका सुनिधी चौहान यांनी आपला आवाज दिला आहे.
गाण्यातील ठेका, ढोल-घुंगरांचा आवाज आणि जोशपूर्ण संगीत यामुळे हे गाणं गरबा आणि दांडियासाठी खास ठरतं. आता या गाण्याला 26 वर्षे झाली असली तरी त्याची लोकप्रियता कमी झालेली नाही.
