मुलींचं प्रचंड आवडतं गाणं, 27 वर्षानंतरही क्रेझ कायम, आजही लाखो मुली याच गाण्यावर बनवतात रील्स, तुम्ही ऐकलं का?
4 मिनिट 35 सेकंदाचं प्रचंड रोमँटिक गाणं, जे 27 वर्षानंतरही प्रत्येक मुलींचं आहे आवडतं. सतत मोबाईलवर बनवत असतात या गाण्यावर रील्स. तुम्ही ऐकलं का?
90 च्या दशकात आणि 2000 च्या सुरुवातीच्या काळात भारतीय म्युझिक इंडस्ट्रीमध्ये रोमँटिक गाण्यांची एक वेगळीच जादू होती. त्या काळात चित्रपटांमधील गाण्यांइतकीच लोकप्रियता स्वतंत्र म्युझिक अल्बम्सनाही मिळत होती. टीव्हीवरील म्युझिक चॅनेल्सवर नवे गाणे पाहण्यासाठी प्रेक्षक आतुरतेने वाट पाहत असत.
कॅसेट्स आणि सीडींचा मोठा ट्रेंड होता. आजही अनेक जण त्या काळातील गाणी ऐकून जुन्या आठवणींमध्ये रमून जातात. अशाच सदाबहार गायकांमध्ये फाल्गुनी पाठक यांचे नाव विशेष आदराने घेतले जाते.
आज सोशल मीडियाचा आणि रील्सचा जमाना असला तरी त्यांच्या जुन्या गाण्यांची लोकप्रियता अजूनही कायम आहे. नव्या पिढीतील Gen Z सुद्धा त्यांच्या गाण्यांना तितक्याच उत्साहाने पसंती देताना दिसते.
फाल्गुनी पाठक यांचे ‘मैंने पायल है छनकाई’ हे गाणे 1999 साली रिलीज झाले होते. हे गाणे त्यांच्या कारकिर्दीतील सर्वात लोकप्रिय गाण्यांपैकी एक मानले जाते. या गाण्याचे संगीत प्रसिद्ध संगीत दिग्दर्शक ललित सेन यांनी दिले होते. गाणे प्रदर्शित होताच ते तरुणांमध्ये प्रचंड लोकप्रिय झाले.
त्या काळात ‘मैंने पायल है छनकाई’ हे गाणे जवळपास प्रत्येक म्युझिक चॅनेलवर सतत पाहायला मिळत होते. कॉलेज फेस्ट, सांस्कृतिक कार्यक्रम, लग्न समारंभ आणि पार्ट्यांमध्ये हे गाणे हमखास वाजत असे. गाण्याची धून आणि बोल इतके आकर्षक होते की लोक ते पुन्हा पुन्हा ऐकत असत.
आज जवळपास 27 वर्षांनंतरही या गाण्याची क्रेझ कमी झालेली नाही. इंस्टाग्राम रील्स, यूट्यूब शॉर्ट्स आणि विविध स्टेज परफॉर्मन्समध्ये हे गाणे आजही मोठ्या प्रमाणात वापरले जाते. त्यामुळे नव्या पिढीलाही हे गाणे आवडू लागले आहे. 90 च्या दशकातील सर्वात आयकॉनिक रोमँटिक गाण्यांमध्ये याची गणना केली जाते.
