असा एक चित्रपट ज्यामधील 14 ची 14 गाणी झालेली सुपरहिट, 11 गाणं तर प्रचंड लोकप्रिय, आजही लोक…
32 वर्षांपूर्वीचा चित्रपट, ज्यामधील चौधाची 14 गाणी ठरली होती प्रचंड सुपरहिट. यामधील 11 व्या गाण्याला लता मंगेशकर यांनी दिला होता आवाज. आजही ते गाणं लोकप्रिय.
हिंदी चित्रपटसृष्टीत असे अनेक चित्रपट आहेत, जे त्यांच्या कथेसोबतच दमदार संगीतासाठीही कायम स्मरणात राहतात. 1994 मध्ये प्रदर्शित झालेला सलमान खान आणि माधुरी दीक्षित यांचा ‘हम आपके हैं कौन’ हा त्यापैकीच एक.
कौटुंबिक नातेसंबंध, प्रेम, त्याग आणि भावनिक नाट्य यांची सुंदर सांगड घालणारा हा चित्रपट त्याकाळी प्रचंड गाजला. विशेष म्हणजे या चित्रपटातील तब्बल 14 गाणी लोकप्रिय ठरली आणि आजही त्यातील अनेक गाणी आवडीने ऐकली जातात.
या चित्रपटाच्या संगीताची जबाबदारी रामलक्ष्मण यांनी सांभाळली होती. चित्रपटातील गाण्यांना लता मंगेशकर, एस. पी. बालसुब्रह्मण्यम, शारदा सिन्हा, कुमार सानू, उदित नारायण आणि शैलेंद्र सिंह यांसारख्या दिग्गज गायकांचा आवाज लाभला.
‘हम आपके हैं कौन’ हा केवळ प्रेमकहाणीवर आधारित चित्रपट नव्हता तर दोन कुटुंबांमधील नाती आणि त्यागाची भावनिक कथा होती. प्रेमच्या भूमिकेत सलमान खान तर निशाच्या भूमिकेत माधुरी दीक्षित झळकली होती.
या चित्रपटाच्या संगीताची खासियत म्हणजे जवळपास प्रत्येक गाणे प्रेक्षकांच्या पसंतीस उतरले. ‘दीदी तेरा देवर दीवाना’, ‘पहला पहला प्यार है’, ‘माये नी माये’, ‘मौसम का जादू’, ‘जूते दो पैसे लो’, ‘मुझसे जुदा होकर’, ‘वाह वाह रामजी’, ‘लो चली मैं’ यांसारखी गाणी आजही लोकप्रिय आहेत.
