एकदा ऐकलं तरी हे गाणं प्रेक्षक दिवसभर गुणगुणतात, 61 वर्षांपासून लोकप्रिय, प्रत्येकांच्या प्लेलिस्टमध्ये असतं
प्रत्येकाच्या प्लेलिस्टमध्ये दिसणारं गाणं, 61 वर्षांपासून प्रेक्षकांचं आवडतं. एकदा ऐकलं तर दिवसभर प्रेक्षकांच्या ओठांवर असतं हे गाणं. तुम्ही ऐकलं का?
बॉलिवूडमधील जुनी गाणी आजही प्रेक्षकांच्या मनात विशेष स्थान राखून आहेत. त्यापैकी 1965 मध्ये प्रदर्शित झालेल्या 'जब जब फूल खिले' या चित्रपटातील 'ये समा, समा है ये प्यार का' हे गाणे आजही हिंदी चित्रपटसृष्टीतील सर्वोत्कृष्ट रोमँटिक गाण्यांपैकी एक मानले जाते.
लता मंगेशकर यांच्या मधुर आवाजामुळे या गाण्याला अजरामर स्थान मिळाले आहे. प्रेमाची भावना, सुरेल संगीत आणि मनाला भिडणारे शब्द यामुळे हे गाणं आजही प्रत्येक पिढीच्या प्लेलिस्टमध्ये कायम आहे.
या गाण्याचे आणखी एक मोठे आकर्षण म्हणजे अभिनेत्री नंदा यांचा पांढऱ्या सॅटिन गाऊनमधील देखणा आणि एलिगंट लूक. डल सरोवरातील शिकाऱ्यावर चित्रित झालेल्या या सीनमध्ये त्यांचे सौंदर्य आणि साधेपणा विशेष खुलून दिसतो.
जम्मू-काश्मीरमधील नयनरम्य डल लेक येथे या गाण्याचे चित्रीकरण करण्यात आले होते. शांत पाणी, शिकारा, चांदण्यांनी उजळलेली रात्र आणि काश्मीरचे मनमोहक सौंदर्य यामुळे हे गाणे आजही प्रेक्षकांना मंत्रमुग्ध करते.
1965 मध्ये प्रदर्शित झालेला 'जब जब फूल खिले' हा चित्रपट त्या काळातील सुपरहिट चित्रपटांपैकी एक ठरला होता. या चित्रपटातील 'परदेसियों से ना अंखियां मिलाना' यासारखी अनेक गाणीही आजही रसिकांच्या ओठांवर कायम आहेत.
