90 मधील सर्वात सुंदर अभिनेत्री, एका गाण्यामुळे रातोरात झाली स्टार, पण प्रेमामुळे करिअर झाले उद्ध्वस्त
90 च्या दशकातील सर्वात सुंदर अभिनेत्री, जी एका गाण्यामुळे रातोरात बनली स्टार. मात्र, लग्न झालेल्या पुरुषासोबतच्या प्रेमामुळे बर्बाद झालं करिअर. आता इंडस्ट्रीपासून आहे दूर.
1996 मध्ये प्रदर्शित झालेल्या 'राजा हिंदुस्तानी' या चित्रपटातील 'परदेसी परदेसी जाना नहीं' हे गाणे प्रचंड गाजले. या गाण्यात झळकलेली अभिनेत्री प्रतिभा सिन्हा हिने आपल्या अभिनय आणि नृत्यामुळे प्रेक्षकांचे विशेष लक्ष वेधून घेतले.
दिग्गज अभिनेत्री माला सिन्हा यांची मुलगी असलेल्या प्रतिभाने आईच्या पावलावर पाऊल ठेवत अभिनय क्षेत्रात प्रवेश केला. 1992 मध्ये तिने पहिल्या चित्रपटातून पदार्पण केले. मात्र, तिला खरी लोकप्रियता 'राजा हिंदुस्तानी'मधील 'परदेसी परदेसी' या गाण्यामुळे मिळाली.
त्यानंतर तिने काही चित्रपटांत काम केले. 1997 मध्ये 'गुदगुदी' आणि 2000 मध्ये 'ले चल अपने संग' हा तिचा शेवटचा चित्रपट ठरला. त्यानंतर तिने चित्रपटसृष्टीपासून पूर्णपणे दूर राहण्याचा निर्णय घेतला.
प्रतिभाच्या वैयक्तिक आयुष्याचीही त्या काळात मोठी चर्चा झाली. संगीतकार नदीम सैफी यांच्याशी तिचे नाव जोडले गेले होते. या नात्याला माला सिन्हा यांचा विरोध असल्याच्या बातम्या समोर आल्या. त्यानंतर विविध अफवा, कौटुंबिक वाद आणि प्रसारमाध्यमांतील चर्चांमुळे प्रतिभा सतत चर्चेत राहिली.
एका पत्रकार परिषदेत तिने नदीम यांच्यावर गंभीर आरोप केले होते, मात्र नदीम यांनी हे सर्व आरोप फेटाळून लावत त्यांना प्रसिद्धीचा भाग असल्याचे म्हटले होते. आता त्या खाजगी आणि साधे जीवन जगत असून, चित्रपटसृष्टीच्या झगमगाटापासून पूर्णपणे दूर आहेत.
