एकदम सिंपल फ्रॉकमध्ये दिसणारी ही अभिनेत्री आहे टॉपची अभिनेत्री, अनेकजण ओळखण्यात ठरले फेल
बॉलिवूडमधील अनेक अभिनेत्री या त्यांचे लहानपणीचे फोटो सोशल मीडियावर शेअर करत असतात. ते फोटो पाहून अनेकदा प्रेक्षकांना ही अभिनेत्री कोण? असा प्रश्न पडतो. सध्या देखील असाच एक फोटो समोर आला आहे. त्या फोटोमधील अभिनेत्री कोण? जाणून घ्या सविस्तर
बॉलिवूड अभिनेत्री शिल्पा शेट्टीचे बालपणीचे काही खास फोटो सध्या सोशल मीडियावर चर्चेचा विषय ठरत आहेत. या फोटोंमध्ये शिल्पा अगदी साध्या फ्रॉकमध्ये दिसत असून, तिच्यासोबत तिची लहान बहीण आणि अभिनेत्री शमिता शेट्टीही दिसत आहे.
या जुन्या फोटोंमधील शिल्पाला आजच्या लूकवरून ओळखणंही अनेकांसाठी कठीण होत आहे. शिल्पा शेट्टीने स्वतः तिच्या सोशल मीडिया अकाउंटवर हे जुने फोटो शेअर केले आहेत. अॅनिमल प्रिंटवर आधारित खास कलेक्शनच्या निमित्ताने तिने हे फोटो चाहत्यांसोबत शेअर केले.
फोटो पाहिल्यानंतर चाहत्यांनी तिच्या बालपणीच्या आठवणींना उजाळा देत कमेंट्सचा वर्षाव केला आहे. शिल्पा शेट्टीने आपल्या अभिनयाच्या जोरावर 90 च्या दशकात बॉलिवूडमध्ये वेगळी ओळख निर्माण केली.
आपल्या अभिनयासोबतच तिच्या सौंदर्याची आणि फिटनेसचीही कायम चर्चा होत असते. वयाची पन्नाशी ओलांडल्यानंतरही शिल्पा स्वतःला फिट ठेवण्यासाठी नियमित व्यायाम आणि योगासने करताना दिसते.
शिल्पा सोशल मीडियावरही मोठ्या प्रमाणात सक्रिय आहे. ती वेळोवेळी वर्कआउटचे व्हिडीओ, योगासने आणि फिटनेसशी संबंधित टिप्स चाहत्यांसोबत शेअर करत असते. त्यामुळे तिचा फिटनेस आणि लाइफस्टाइल आजही अनेकांसाठी प्रेरणादायी ठरतो.
