उसाचा रस, लिंबू पाणी की नारळ पाणी, उन्हाळ्यात कधी काय प्यावे?
उन्हाळ्याच्या दिवसात ऊस, लिंबू आणि नारळ पाणी यापैकी कोणत्या पेयाचे काय फायदे आहेत? उष्माघातापासून वाचण्यासाठी आणि शरीरातील ताकद टिकवण्यासाठी कोणती वेळ योग्य आहे, वाचा सोप्या भाषेत
सध्या राज्यात उन्हाचा कडाका वाढला आहे. उष्णता वाढू लागली की आपण लगेच थंड पेयांकडे वळतो. या काळात बाजारात उसाचा रस, लिंबू सरबत आणि नारळ पाणी या तिन्हीही गोष्टींना मोठी मागणी असतेत. पण कधी कोणतं पेय प्यावं, यात अनेकजण गोंधळून जातात. आज आपण याबद्दलची माहिती घेणार आहोत.
जर तुम्ही उन्हात काम करून खूप थकला असाल किंवा तुम्हाला गळून गेल्यासारखं वाटत असेल, तर उसाचा रस प्या. यात नैसर्गिक साखर असल्याने तो शरीराला लगेच ताकद देतो. मात्र ज्यांना मधुमेह (शुगर) आहे, त्यांनी उसाचा रस पिणे टाळावे.
लिंबू पाणी हे केवळ तहान भागवत नाही, तर शरीरातील घाण बाहेर काढायला (डिटॉक्स) मदत करते. यात'व्हिटॅमिन सी भरपूर असल्याने आपली प्रतिकारशक्ती वाढते. पचन सुधारण्यासाठी आणि उन्हामुळे होणारी ॲसिडिटी कमी करण्यासाठी लिंबू पाणी हा सर्वात स्वस्त आणि मस्त उपाय आहे.
शरीरातील पाण्याची कमतरता भरून काढण्यासाठी नारळ पाण्यासारखं दुसरं काहीच नाही. व्यायामानंतर किंवा लांबच्या प्रवासानंतर शरीराला आतून थंड करण्यासाठी नारळ पाणी पिणे फायदेशीर ठरते. यात पोटॅशियमसारखी महत्त्वाची खनिजे असतात.
सकाळी किंवा दुपारी नारळ पाणी पिणे सर्वात चांगले मानले जाते. जर तुम्ही खूप थकले असाल तर उसाचा रस उत्तम असतो. तर लिंबू पाणी तुम्ही कधीही घेऊ शकता. बाहेरचा रस पिताना तो स्वच्छ आहे का, याची खात्री करा. योग्य वेळी योग्य पेय निवडल्यास तुम्हाला उन्हाळ्याचा त्रास कमी होऊ शकता.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
