‘तो’ विचार कायम माझ्या डोक्यात असतो; सुष्मिता सेनचं म्हणणं तुम्हालाही पटेल…
Bollywood Actress Sushmita Sen on Her Life changing Thought : बॉलिवूड अभिनेत्री सुष्मिता सेन हिने तिच्या जीवनाला कलाटणी देणारा प्रसंग सांगितला. तसंच तेव्हा जो विचार सांगण्यात आला. तो मी कायम लक्षात ठेवला. त्यानुसार मी जगते, असंही सुष्मिता म्हणाली. वाचा सविस्तर...
अभिनेत्री सुष्मिता सेन वेगवेगळ्या विषयांवर तिचं परखड मत मांडत असते. एका मुलाखती दरम्यानचा सुष्मिताचा एक व्हीडिओ सध्या व्हायरल होतोय. तिच्या या विचारांशी तुम्हीही सहमत व्हाल...
माझ्या करिअरच्या सुरुवातीच्या काळात कुणीतरी सांगितलं होतं. कुणी सांगितलं होतं ते माझ्या लक्षात आहे पण मी त्यांचं नाव घेऊ इच्छित नाही... पण तो विचार कायम माझ्या डोक्यात असतो, असं सुष्मिताने सांगितलं.
सुष्मिता तू कायम एक गोष्ट लक्षात ठेव. समोरच्याने तुला कितीही मोठ्या आवाजात तुला प्रश्न विचारला असेल. पण तरी तू त्याचं शांततेत उत्तर दे, कारण इतिहासात तू त्या प्रश्नाचं काय उत्तर देते ते रेकॉर्ड केलं जाणार आहे. त्या व्यक्तीचा प्रश्न रेकॉर्ड केला जाणार नाही, असं सुष्मिता सेन म्हणाली.
तेव्हा पासून ते वाक्य माझ्या मनात बसलं. काहीही झालं तरी मी शांततेत उत्तर देण्याचा प्रयत्न करते. एखाद्या प्रश्नाचं उत्तर मी देते. पण तितक्याच आदबीने मी उत्तर देते, असंही तिने सांगितलं.
ज्याने मला प्रश्व विचारला. त्याला कदाचित ते उत्तर लक्षातही आलं नसेल तरी ते उत्तर रेकॉर्ड केलं जात आहे. त्यामुळे पुढे जाऊन कुणालातरी ते लक्षात येणार आहे, असं सुष्मिता सेन म्हणाली.
