CSMT : रेल्वे इंजिनमध्ये अजगर जातीचे सर्पपिल्लू आढळल्याने खळबळ, घटनेचे फोटो पाहून व्हाल हैराण…
साप, अजगर हे विषारी प्राणी आहेत. साप, अजगर समोर दिसले तरी भीती वाटेत.. अशात Chhatrapati Shivaji Maharaj Terminus येथे उभ्या असलेल्या एका रेल्वे इंजिनमध्ये अजगर जातीचं सर्पपिल्लू आढळून आल्याने सर्वत्र खळबळ माजली. घटनेचे फोटो सध्या सर्वत्र व्हायरल होत आहेत.
मध्यरात्री छत्रपती शिवाजी महाराज टर्मिनस येथे एका रेल्वेच्या इंजिनमध्ये अजगर जातीचे सर्पपिल्लू आढळून आले. ही बाब रेल्वे कर्मचाऱ्यांच्या निदर्शनास आल्यानंतर त्यांनी तात्काळ सर्पमित्रांची मदत मागितली. अखेर सर्पमित्रांच्या मदतीने सर्वांनी मोकळा श्वास घेतला.
माहिती मिळताच महाराष्ट्र राज्य मानद प्राणी कल्याण अधिकारी अभिषेक अशोक ठावरे यांनी तत्काळ घटनास्थळी धाव घेतली. योग्य खबरदारी घेत सुमारे रात्री 1:40 वाजता अजगराच्या पिल्लाला सुखरूप पकडण्यात आले. त्यामुळे रेल्वे वाहतूक सुरळीत सुरू ठेवण्यास मदत झाली.
पकडण्यात आलेले अजगराचे पिल्लू नंतर सुरक्षितपणे त्याच्या नैसर्गिक अधिवासात सोडण्यात आले. भारतात आढळणारा इंडियन रॉक पायथन (अजगर) हा बिनविषारी साप असून तो भारतीय वन्यजीव संरक्षण कायद्याअंतर्गत संरक्षित प्रजाती आहे.
बीकेसी एक्वा मेट्रो लाईन तीन येथे विषारी साप आढळल्याची घटना समोर आली. आज सकाळी आठ वाजल्याच्या दरम्यान मेट्रो तीन येतील सुरक्षारक्षकाचा कॉल आल्यानंतर या घटनेची माहिती मिळाली. बीकेसी एक्वा लाईन तीन येथे साप असल्याचं माहिती मिळताच वनरक्षक तसेच सर्पमित्र यांना संपर्क करण्यात आला.
माहिती मिळताच वनरक्षक अधिकारी घटनास्थळी पोहोचले आणि सापाला सुखरूप पकडण्यात आले. हा साप भारतातील दोन नंबरचा विषारी साप असल्याचं सर्पमित्रांनी सांगितलं. या सापाची लांबी अंदाजे अडीच फूट असून एक्वा मेट्रो लाईन तीन बीकेसी स्थानकाच्या एका भिंतीला लागून बसला होता.
