Amir Khan Wife: आमिर खानशी लग्न करताच गौरी स्प्रॅटने बदलला धर्म, स्वीकारला इस्लाम?
Gauri Spratt: सध्या सगळीकडे आमिर खानच्या तिसऱ्या लग्नाची चर्चा सुरु आहे. आमिरने गर्लफ्रेंड गौरी स्प्रॅटशी तिसरे लग्न केले. पण लग्नानंतर गौरीने इस्लाम धर्म स्वीकारला का? असा प्रश्न अनेकांना पडला आहे.
गेल्या काही दिवसांपासून बॉलिवूड अभिनेता आमिर खान त्याच्या खासगी आयुष्यामुळे चांगलाच चर्चेत आहे. आमिर खानने काल तिसऱ्यांदा लग्न केले. त्याने गर्लफ्रेंड गौरी स्प्रॅटशी लग्न केले आहे. त्यानंतर सोशल मीडियावर वेगवेगळ्या प्रकारच्या चर्चा रंगल्या आहेत. गौरीने लग्नानंतर इस्लाम धर्म स्वीकारला की नाही?
आमिर खानने ५ जुलै २०२६ रोजी मुंबईतील वांद्रे येथील आपल्या निवासस्थानी तिसरे लग्न केले. गौरी स्प्रॅटशी लग्न करतानाचे खासगी समारंभाचे फोटो आणि व्हिडीओ सोशल मीडियावर वेगाने व्हायरल होत आहेत. गेल्या वर्षी आमिरने गौरीला आपली गर्लफ्रेंड म्हणून अधिकृतपणे ओळख करून दिली होती.
लग्न समारंभात जवळचे कुटुंबीय आणि मित्र उपस्थित होते. यात राज ठाकरे, माजी क्रिकेटपटू इरफान पठाण, आमिरची मुलगी इरा खान, मुलगा जुनैद खान, इराचा पती नुपूर शिखरे, चित्रपटकार आशुतोष गोवारीकर आणि अंबानी कुटुंबातील काही सदस्यांचा समावेश होता. अभिनेत्री एली अवरामसह इतर नातेवाईक आणि मित्रमंडळीही उपस्थित होते. दुपारी साडेबारा वाजण्याच्या सुमारास जोडप्याने लग्नाची नोंदणी पूर्ण केली.
लग्नानंतर सोशल मीडियावर एक चर्चा जोरात रंगली आहे. गौरी स्प्रॅटने आमिर खानसोबत लग्न करण्यासाठी इस्लाम धर्म स्वीकारला का? नेटकऱ्यांमध्ये या मुद्द्यावर बऱ्याच प्रश्नांची रेलचेल आहे. मात्र, आमिर खान किंवा गौरी यांनी याबाबत कोणतेही अधिकृत वक्तव्य केलेले नाही.
हा नोंदणीकृत विवाह असल्याने, कायद्यानुसार जोडीदाराला धर्मांतर करणे अनिवार्य नसते. त्यामुळे सध्या हे मुद्दे केवळ अफवांवर आणि चर्चांवर आधारित आहेत. गौरीने इस्लाम धर्म स्वीकारला की नाही हे अद्याप समोर आलेले नाही.
