Helicopter for Wedding : लग्नासाठी हेलिकॉप्टर बूक करायचं असेल तर खर्च किती ? एका तासाचं भाडं तर…
Helicopter Booking For Wedding : लग्नात वधूला सुंदर पद्धतीने घरी घेऊन येणं, हे प्रत्येकाचं स्वप्न असतं. आपली वरात भव्य निघावी असंही अनेकांना वाटतं. आता त्यात एक नवीन भर पडली आहे, वधूला हेलिकॉप्टरने आणण्याचा एक नवीन ट्रेंड बनत आहे. कंपन्या यासाठी हेलिकॉप्टर भाड्याने देतात, पण त्यासाठी किती किंमत मोजावी लागते ?
लग्नाचा हंगाम जवळ येत आहे. दिवाळीनंतर देशभरात लग्नाचे अनेक मुहूर्त निघतील. एकेकाळी लग्नाच्या वरातीसाठी घोडागाडी आणि बँड-बाजा हाच प्रघात होता, पण आता वधू-वरांना हेलिकॉप्टरने घेऊन येण्याचा ट्रेंड झपाट्याने वाढत आहे. तुम्हीही कदाचित वर हेलिकॉप्टरमधून येताना किंवा वधूंना सासरी हेलिकॉप्टरमधून नेल्याबद्दल ऐकले असेल. पण या सगळ्या गोष्टींना किती खर्च येतो, याचा विचार केला आहे का? चला जाणून घेऊया.
देशात अनेक कंपन्या हेलिकॉप्टर भाड्याने देतात. यामध्ये पवन हंस, अरिहंत, ब्लूहाइट्स एव्हिएशन प्रायव्हेट लिमिटेड, बद्री हेलिकॉप्टर, एअर चार्टर्स इंडिया आणि ॲक्रेशन एव्हिएशन यांचा समावेश आहे.
या कंपन्या देशभरात सेवा देतात आणि ग्राहकांच्या गरजेनुसार हेलिकॉप्टर पुरवतात. किमतीबद्दल बोलायचे झाले तर, हेलिकॉप्टरचे भाडे हे त्याचं मॉडेल, आकार, लोकांची संख्या आणि उड्डाणााचं अंतर यावर अवलंबून असते.
हे भाडं तासानुसार आकारलं जातं. सुरुवातीची किंमत सुमारे 50 हजार रुपये प्रति तास आहे. जर तुम्ही लांब पल्ल्यासाठी किंवा दीर्घ कालावधीसाठी बुकिंग करत असाल तर किंमत 2 लाख ते 10 लाख रुपये किंवा त्याहूनही अधिक असू शकते.
मात्र, हा खर्च फक्त भाड्याचा आहे. त्यानंतर हे हेलिकॉप्टर जिथे उतरवायचे आहे तिथे लँडिंग साइट तयार करणे आवश्यक आहे.
यासाठी "H" (हेलिपॅड) चिन्हांकित करण्यासाठी जमीन समतल करण्यासाठी आणि सुरक्षा व्यवस्था करण्यासाठी अतिरिक्त खर्च येतो. कधीकधी हे काम स्थानिक प्रशासनाच्या परवानगीनेच करता येते, जे ऑपरेटर स्वतंत्रपणे आकारतो.
सर्वात महत्त्वाचे म्हणजे, हेलिकॉप्टर उड्डाण करण्यासाठी किंवा उतरवण्यासाठी परवानगी महत्वाची असते. यासाठी भारतीय हवाई दलाची परवानगी आवश्यक असते, तसेच भारतीय विमानतळ प्राधिकरण किंवा स्थानिक प्रशासनाची परवानगी घ्यावी लागते.
मात्र, सामान्य लोकांना या औपचारिकतांबद्दल काळजी करण्याची गरज नाही कारण ही जबाबदारी हेलिकॉप्टर कंपनी किंवा ऑपरेटरची आहे. जर तुम्हाला तुमचे लग्न संस्मरणीय बनवायचे असेल आणि वराला किंवा वधूला आकाशातून आत यायचे असेल तर तुम्हाला फक्त तुमचे खिसे रिकामे करावे लागतील आणि काही महत्वाच्या नियमांचे पालन करावे लागेल.
