GST ऑफिसरची नोकरी सोडून अभिनेत्री बनली; आता डेटिंग रिॲलिटी शोमध्ये शोधतेय जोडीदार!
सध्या सगळीकडे एका अभिनेत्रीची चर्चा रंगली आहे. या अभिनेत्रीने फिल्म इंडस्ट्रीमध्ये करिअर करण्यासाठी GST ऑफिसरची नोकरी सोडून दिली. आता ही अभिनेत्री एका रिअॅलिटी शोमध्ये नवरा शोधत आहे. ही अभिनेत्री कोण आहे? चला जाणून घेऊया...
बॉलिवूड आणि टीव्ही इंडस्ट्रीमध्ये अनेक असे कलाकार आहेत ज्यांनी वेगवेगळ्या क्षेत्रांतून सुरुवात करून अभिनयाच्या जगात पाऊल टाकलं. अशीच एक व्यक्ती म्हणजे कृति वर्मा – जी पूर्वी जीएसटी विभागात अधिकारी म्हणून काम करत होती.
स्थिर सरकारी नोकरी, चांगला पगार, समाजात मान-सन्मान... पण कृति यांनी हे सगळं सोडून स्वप्नातील अभिनय क्षेत्रात करिअर करण्याचा निर्णय घेतला. आज ती अभिनेत्री, डांसर, डीजे आणि होस्ट म्हणून ओळखली जाते.
कृति वर्मा सध्या 'Engaged 2' या डेटिंग रियालिटी शोमध्ये (एल्विश यादव आणि जिया शंकर यांच्या शोमध्ये) भाग घेत आहे. हे शो JioHotstar आणि JioHotstar Sparks वर स्ट्रीम होत आहे. शोमध्ये ती आपल्या भावनिक बाजूनेही चर्चेत आली आहे. एकदा ती फसवणूक आणि ब्रेकअपच्या वेदनेबद्दल बोलताना भावूक झाली, ज्याने प्रेक्षकांच्या मनात घर केलं.
या आधी तिचं नाव बिग बॉस 12 (2018) आणि MTV Roadies मध्ये भाग घेतला होता. रोडिजमध्ये नेहा धूपियाच्या टीममध्ये असताना तिच्या स्पर्धकांसोबतच्या वादविवादांनीही खूप चर्चा झाली होती. बिग बॉसमध्येही तिने घरात खूप हंगामा आणि ड्रामा केला होता.
सरकारी नोकरी सोडल्यानंतर कृतीने मॉडेलिंगपासून सुरुवात करून वेब सीरिज, रियालिटी शोज आणि इव्हेंट्समध्ये सहभाग घेण्यास सुरुवात केली. ती ट्रेंडिंग डान्सर आणि डीजे म्हणूनही शोज होस्ट करते. तिच्या इन्स्टाग्रामवर ३ मिलियनहून अधिक फॉलोअर्स आहेत (@kritivermaofficial), जिथे ती ग्लॅमरस आणि एनर्जेटिक लाइफस्टाइल शेअर करते.
कधी काळी GST ऑफिसमध्ये डेस्क जॉब करणारी कृति आज पूर्णपणे एंटरटेनमेंट इंडस्ट्रीत रमली आहे. आता 'Engaged 2' मध्ये ती खऱ्या अर्थाने जोडीदार शोधतेय आणि हा तिच्या आयुष्यातील नवा अध्याय आहे.
