पेट्रोल डिझेल खरेदीवर सरकारकडून मर्यादा, भारताच्या शेजारील देशात हाहाकार
Fuel Shortage : अमेरिका, इस्रायल आणि इराण यांच्यातील मध्यपूर्वेतील युद्धाचे परिणाम आता जगभरात जाणवू लागले आहेत. यामुळे भारताच्या शेजारील देशातील सरकारने इंधन खरेदीवर मर्यादा आणली आहे. याबाबत माहिती जाणून घेऊयात.
आखाती देशांमध्ये निर्माण झालेल्या तणावामुळे तेल पुरवठा साखळी पूर्णपणे विस्कळीत झाली आहे, ज्यामुळे बांगलादेशमध्ये इंधन संकट निर्माण झाले आहे. त्यामुळे सरकारला तेल विक्रीवर नियंत्रण आणावे लागले आहे.
ढाक्यातील रस्त्यांवर पेट्रोल पंपांबाहेर लांब रांगा लागल्या आहेत आणि लोक बेशुद्धपणे साठा करत आहेत. त्यामुळे आता सरकारने प्रत्येक वाहनासाठी तेल खरेदीवर मर्यादा आणली आहे.
मोटारसायकलला दररोज फक्त 2 लिटर पेट्रोल मिळणार आहे. तसेच खाजगी कारला जास्तीत जास्त 10 लिटर डिझेल किंवा पेट्रोल मिळणार आहे.
बस आणि ट्रकसाठीही 70 ते 220 लिटरची मर्यादा निश्चित करण्यात आली आहे. तेल खरेदीसाठी प्रत्येक पेट्रोल पंपावर पावती दाखवणे बंधनकारक आहे, मागील खरेदीची पावती दाखवल्याशिवाय तेल मिळणार नाही.
केवळ पेट्रोल आणि डिझेलच नाही तर बांगलादेशलाही गॅस टंचाईचा सामना करावा लागत आहे. युद्धामुळे कतारने एलएनजी पुरवठा थांबवला आहे. त्यामुळे बांग्लादेश अडचणीत सापडला आहे.
