तेलाचे भाव भडकले, अमेरिकेचे इराणमधील 5 शहरांवर हल्ले, भारताला फटका, होर्मुज खाडीतून..

इराण आणि अमेरिका यांच्यातील तणाव वाढताना दिसत आहे. गेल्या काही दिवसांपासून अमेरिका मोठे हल्ले इराणवर करत आहे. तणाव वाढत आहे. काही दिवसांपूर्वी इराण आणि अमेरिका यांच्यातील तणाव कमी झाला होता. त्यानंतर पुन्हा युद्ध पेटले आहे. अमेरिकेने इराणवर हल्ला अकराव्या दिवशीही सलग केला. इराणच्या पाच शहरांवर अमेरिकेने हल्ला केला. आपल्या अणुसुविधांना लक्ष्य न करण्याचा इशारा तेहरानने अमेरिकेला दिला होता. अमेरिकेच्या सेंट्रल कमांडने सांगितले की, हे हल्ले होर्मुजच्या सामुद्रधुनीतील व्यापारी जहाजांना धोका निर्माण करण्याची इराणची क्षमता कमकुवत करणे सुरू ठेवण्याच्या उद्देशाने करण्यात आली. इराणकडूनही होर्मुज खाडीच्या आसपास आणि शहरांना टार्गेट करून हल्ले केले जात आहेत. अमेरिका आपले हल्ले थांबवण्याचे नाव घेत नाही.

रात्रभर अमेरिकेने इराणवर हल्ले केले. आता या हल्ल्यानंतर इराण नक्की काय उत्तर देते हे पाहण्यासारखे ठरणार आहे. इराण आणि अमेरिका युद्ध पेटले आहे. इराणकडून होर्मुज खाडी बंद करण्यात आली. होर्मुज खाडी बंद असल्याने जगाला त्याचा परिणाम भोगावा लागत आहे. भारतात एलपीजी गॅस आणि कच्चे तेल होर्मुज खाडीतून दाखल होते. याचा फटका भारताला बसेल.

इराणच्या सरकारी प्रसारमाध्यमांनी दिलेल्या वृत्तानुसार, राजधानी तेहरानमध्ये हवाई संरक्षण यंत्रणा कार्यान्वित करण्यात आली. ब्रिज, चाबहार, कोनारक आणि इराणचा अणुऊर्जा प्रकल्प असलेल्या बुशेरमध्येही स्फोट झाल्याची माहिती आहे. जोपर्यंत अमेरिका इराणवर हल्ले करत राहिल. तोपर्यंत इराणकडून होर्मुज खाडी बंदल ठेवली जाईल. ज्याचा थेट फटका जगातील इतर देशांना होईल.

तीन महिन्यांच्या आसपास चाललेल्या या युद्धात भारतात कच्च्या तेलाची मोठी टंचाई निर्माण झाली होती. यासोबतच केंद्र सरकारकडून पेट्रोल आणि डिझेलच्या दरात मोठी वाढ करण्यात आली. जर अजून काही दिवस अमेरिकेचे हल्ले सुरूच राहिले तर पुन्हा एकदा पेट्रोल आणि डिझेलची समस्या निर्माण होऊ शकते. जागतिक बाजारात कच्च्या तेलाचे भाव वाढताना दिसत आहेत. बुधवारी सुरुवातीच्या व्यवहारांदरम्यान, बेंचमार्क ब्रेंट क्रूडच्या दरात 2.01 टक्क्यांची वाढ होऊन ते प्रति बॅरल 91.01 डॉलरवर पोहोचले.