‘गाढवाचं लग्न’मधील गंगी आता कशी दिसते? फोटो पाहून बसेल धक्का
‘गाढवाचं लग्न’मधील गंगी आता कशी दिसते? लेटेस्ट फोटो पाहून तुम्हाला देखील बसणार नाही विश्वास.
2007 साली प्रदर्शित झालेल्या ‘गाढवाचं लग्न’ या सुपरहिट मराठी चित्रपटाने प्रेक्षकांना खळखळून हसवलं होतं. अभिनेता मकरंद अनासपुरे, अभिनेत्री राजश्री लांडगे यांच्या दमदार अभिनयामुळे हा चित्रपट आजही प्रेक्षकांच्या स्मरणात आहे. विशेषतः ‘गंगी’ ही भूमिका साकारणाऱ्या राजश्री लांडगे यांना मोठी लोकप्रियता मिळाली होती.
मात्र त्यानंतर राजश्री लांडगे फारशा चित्रपटांमध्ये दिसल्या नाहीत. त्यामुळे त्यांनी चित्रपटसृष्टी सोडली का, असा प्रश्न अनेक चाहत्यांना पडला होता. यावर स्वतः राजश्री यांनी एका मुलाखतीत स्पष्टीकरण देत आपण अभिनय क्षेत्रापासून दूर गेलेल्या नसल्याचे सांगितले.
त्यांनी सांगितले की, ‘गाढवाचं लग्न’च्या दुसऱ्या भागासाठी प्रयत्न सुरू आहेत. या प्रकल्पाबाबत अद्याप कोणतीही अधिकृत घोषणा झालेली नसली तरी त्यावर काम सुरू असल्याचे त्यांनी नमूद केले.
तसेच वडिलांनंतर गावातील सामाजिक आणि शैक्षणिक उपक्रमांची जबाबदारी आपल्यावर आल्यामुळे मुंबई आणि गाव अशा दोन्ही ठिकाणी वेळ द्यावा लागत असल्याचेही त्यांनी स्पष्ट केले.
आजही राजश्री लांडगे यांचा मोठा चाहतावर्ग आहे. त्यामुळे त्यांना पुन्हा एकदा मोठ्या पडद्यावर पाहण्यासाठी चाहते उत्सुक असून ‘गाढवाचं लग्न 2’बाबतच्या अधिकृत घोषणेची प्रतीक्षा करत आहेत.
