Gold And Silver Price Today : सुवर्णपेठेला दे धक्का, सोने-चांदीची ग्राहकांनीच घेतली ‘फिरकी’; जळगावच्या सराफा बाजारात घडलं तरी काय?
Gold And Silver Price Today : जळगावच्या सुवर्णपेठेत सोने आणि चांदीने यंदा मोठा गेम पलटवला. म्हणता म्हणता सोन्याने लाखाचा टप्पा ओलांडला. तर चांदीने सव्वा लाखाची मजल मारली. या दरवाढीविरोधात ग्राहकांनी अशी नाराजी दर्शवली.
जळगावच्या सराफ बाजारात सोने चांदीच्या वाढत्या दराचा ग्राहकांवर देखील मोठा परिणाम झाला असून सराफ बाजारांमध्ये ग्राहकांची संख्या घटल्याचे चित्र आहे
जळगावच्या सराफ बाजारात सोन्याच्या आणि चांदीच्या दरात पुन्हा मोठी वाढ झाली असून दराने पुन्हा विक्रमी उच्चांकी गाठली आहे
सोन्याच्या दरात १ हजार १०० रुपयांनी आणि चांदीच्या भावात १ हजार ३०० रुपयांची वाढ झाली आहे
सोन्याचे दर जीएसटीसह प्रति तोळा १ लाख १४ हजार ५०० रुपयांवर पोहोचले आहे तर चांदी चे दर जीएसटीसह प्रति किलो १ लाख 33 हजार 500 रुपयांवर पोहोचले आहेत
सराफ बाजारांच्या दुकानांमध्ये ग्राहकांची होणारे गर्दी आता कुठेतरी कमी झाल्याचे चित्र असून वाढत्या उच्चांकी दरामुळे ग्राहकांनी खरेदीकडे पाठ फिरवल्याचे चित्र आहे..
एकीकडे वार टेरिफ युद्ध सुरू असून दुसरीकडे आर्थिक स्थिरता मिळवण्यासाठी जपान, चीन या सह युरोपियन देश सोन्यामध्ये गुंतवणूक करत असल्याने त्याचा परिणाम सोन्याच्या चांदीच्या दरावर झाल्याचं सराफ व्यवसायिकांचं म्हणणं आहे
गेल्या 15 दिवसात सोन्या आणि चांदीचा दर 5 ते सहा हजार रूपयांनी वाढला असून आगामी काळात देखील सोन्या चांदीचे दर आणखीन वाढतील अशी शक्यता सराफ व्यवसायिक यांनी व्यक्त केले आहे.
सोने आणि चांदीचे दर कुठेतरी कमी होतील या प्रतीक्षेत ग्राहक असल्यानेच सराफा बाजारात ग्राहकांची गर्दी कमी झाली आहे
