सराफा बाजारात मोठी पडझड! सोनं तब्बल 2300 रुपयांनी स्वस्त; 10 ग्रॅमसाठी किती रुपये लागणार?
सोन्याचा भाव आज पुन्हा एकदा घसरला आहे. गेल्या तीन दिवसांपासून सोनं आणि चांदी यांच्या भावात सतत घसरण होताना पाहायला मिळत आहे. सोन्याचा भाव कमी झाल्याने सामान्यांकडून समाधान व्यक्त केले जात आहे.
इराणच्या युद्धामुळे जागतिक पातळीवर अस्थिरता आहे. कधी सोन्याचा भाव वाढतोय तर कधी कमी होतोय. परंतु आता गेल्या तीन दिवसांपासून सलग सोन्याच्या भावात घसरण होत आहे. आजदेखील सोनं चांगलंच घसरलं आहे.
आज (24 एप्रिल) पुन्हा सोन्याच्या दरात घसरण झाल्याचे पाहायला मिळाले. सोनं आज 500 रूपयांची तर चांदीच्या दरात 3 हजार रुपयांची घसरण झाली आहे. या घसरणीसह सोन्याचा दर जीएसटीसह 1 लाख 55 हजार रुपये प्रति 10 ग्रॅमपर्यंत खाली आला आहे.
चांदीच्या भावात एकाच दिवसात 3 हजार रुपयांनी घसरण झाली आहे. या घसरणीसह चांदीचा दर जीएसटीसह 2 लाख 52 हजार 350 रुपयांवर आला आहे. आठवडाभरात सोन्याच्या दरात 2 हजार 300 रूपयांची तर चांदीच्या दरात 15 हजार रुपयांची घसरण झाली आहे.
सोन्यात होत असलेली घसरण पाहून सामान्यांकडून समाधान व्यक्त केले जात आहे. लोक दागिने करण्यासाठी सराफा बाजाराकडे वळत आहेत. परंतु सध्याजरी सोन्याचा भाव कमी होत असला तरीही भविष्यातही ही घसरण अशीच चालू राहील का? असे विचारले जात आहे. सोन्यात गुंतवणूक करावी का, असाही प्रश्न उपस्थित केला जातोय.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
