IPL 2022 Final: हार्दिकच्या तोंडाला केक फासला, पंड्या-नताशा साथ-साथ, पहा विजयानंतरचे काही खास Inside Photos
IPL 2022 Final: गुजरात टायटन्स आणि राजस्थान रॉयल्स (GT vs RR) या दोन संघांमध्ये काल इंडियन प्रिमीयर लीगच्या 15 व्या सीजनचा फायनल सामना झाला. अहमदाबादच्या नरेंद्र मोदी स्टेडियमवर (Narendra modi Stadium) फायनल मॅच आयोजित करण्यात आली होती.
गुजरात टायटन्स आणि राजस्थान रॉयल्स (GT vs RR) या दोन संघांमध्ये काल इंडियन प्रिमीयर लीगच्या 15 व्या सीजनचा फायनल सामना झाला.
काल गुजरात टायटन्सने राजस्थान रॉयल्सवर (GT vs RR) सात विकेटने विजय मिळवून आयपीएलच्या 15 व्या सीजनच विजेतेपद पटकावलं.
राजस्थानने विजयासाठी दिलेलं 131 धावांच लक्ष्य गुजरातने आरामात पार केलं. इंडियन प्रिमीयर लीग स्पर्धेला 6 वर्षानंतर नवीन चॅम्पियन मिळाला आहे. राशिद खान विजेतेपदाच्या ट्रॉफीसह.
डेविड मिलर आणि शुभमन गिल या जोडीने गुजरातच्या विजयावर शिक्कामोर्तब केलं. गिलने नाबाद 45 आणि मिलरने नाबाद 34 धावा केल्या. डेविड मिलर विजेतेपदाच्या ट्रॉफीसह.
मोहम्मद शमीनेही या सीजनमध्ये गुजरात टायटन्ससाठी दमदार प्रदर्शन केलं. विजेतेपदाच्या ट्रॉफीसह मोहम्मद शमी.
शुभमन गिलने काल विजयी षटकार ठोकून गुजरात टायटन्सच्या आयपीएल जेतेपदावर शिक्कामोर्तब केलं. विजेतेपदाच्या ट्रॉफीसह शुभमन गिल.
हार्दिक पंड्या गुजरातच्या या विजयाचा नायक ठरला. फक्त फायनलमध्येच नाही, त्याने या संपूर्ण सीजनमध्ये दमदार खेळ दाखवला. पत्नी नताशासोबत हॉटेलमध्ये प्रवेश करताना हार्दिक.
या सीजनमध्ये दोन चेंडूत 12 धावांची गरज असताना सलग दोन चेंडूंवर षटकार ठोकणारा राहुल तेवतिया. राहुल पत्नीसोबत फोटोमध्ये दिसतोय.
गुजरातच्या खेळाडूंनी विजयाच जोरदार सेलिब्रेशन केलं. सहकाऱ्यांनी हार्दिकच्या चेहऱ्याला फासला केक.
पहिल्याच सीजनमध्ये आयपीएल विजेतेपदाला गवसणी घालणारा गुजरात टायटन्सचा संघ.