साबणाचे उरलेले तुकडे फेकून देताय? थांबा! वाचू शकतात तुमचे हजारो रुपये
घरामध्ये उरलेले साबणाचे छोटे तुकडे फेकून देण्याऐवजी त्यांचा कल्पक वापर कसा करायचा, हे या लेखात शिका. कपाटातील दुर्गंधी घालवण्यापासून ते घरगुती हँडवॉश बनवण्यापर्यंतच्या भन्नाट टिप्समुळे तुमची पैशांची बचत होईल.
आपल्या प्रत्येकाच्या घरामध्ये आंघोळीचा किंवा हात धुण्याचा साबण वापरता वापरता शेवटी त्याचे छोटे तुकडे उरतात. अनेकदा हे तुकडे हातात पकडणे कठीण होते, म्हणून मग आपण ते कचऱ्यात फेकून देतो.
1 / 8
मात्र, हे छोटे तुकडे फेकून न देता आपण त्याचा वापर करून घरातील अनेक कामे सोपी करू शकता. या उरलेल्या साबणाचा वापर तुम्ही घरातील स्वच्छतेपासून ते दुर्गंधी दूर करण्यासाठी नक्की करु शकता.
2 / 8
पावसाळ्यात किंवा दमट हवेमुळे कपाटातील कपड्यांना अनेकदा कुबट वास येतो. अशा वेळी साबणाचे उरलेले छोटे तुकडे नीट वाळवून एका पातळ सुती कापडात किंवा जाळीच्या पिशवीत बांधून ठेवा. ही पुरचुंडी कपाटात किंवा ड्रॉवरमध्ये ठेवल्यास कपडे दीर्घकाळ ताजे आणि सुगंधी राहतात.
3 / 8
उन्हाळ्यात घामामुळे किंवा पावसाळ्यात ओलाव्यामुळे बुटांना घाण वास येण्याची समस्या निर्माण होते. ही दुर्गंधी दूर करण्यासाठी रात्री झोपताना साबणाचे छोटे तुकडे बुटांमध्ये ठेवा. यामुळे बुटांमधील ओलावा शोषला जातो आणि सकाळी तुमचे बूट फ्रेश वाटतील.
4 / 8
उरलेले साबणाच्या तुकड्यांचा वापर करुन तुम्ही एक लिक्विड सोप तयार करु शकता. यासाठी उरलेले साबणाचे तुकडे किसून घ्या. एका भांड्यात पाणी गरम करून त्यात हे कीस विरघळवा. हे मिश्रण थंड झाल्यावर त्यात आवडीचे सुगंधी तेल मिसळून एका बाटलीत भरा. तुमचा घरगुती लिक्विड हँडवॉश तयार होईल.
5 / 8
जर तुम्ही घरी कपडे शिवत असाल, तर कापडावर खुणा करण्यासाठी महागड्या टेलरिंग चॉक ऐवजी वाळलेल्या साबणाच्या तुकड्याचा वापर करा. साबणाचे हे डाग धुण्यानंतर सहज निघून जातात आणि पैसेही वाचतात.
6 / 8
बाथरूममध्ये ओलावा जास्त असल्याने अनेकदा तिथे दुर्गंधी येते. साबणाचे छोटे तुकडे एका जाळीच्या पिशवीत भरून बाथरूमच्या कोपऱ्यात लटकवा. पाण्याच्या वाफेमुळे साबणाचा सुगंध हवेत दरवळत राहील आणि बाथरूम ताजेतवाने वाटेल.
7 / 8
अनेकदा जुन्या कपाटाचे दरवाजे उघडताना-मिटताना आवाज येतो किंवा खिडक्यांच्या स्लायडिंग पट्ट्या जाम होतात. अशा वेळी साबणाचा छोटा सुका तुकडा त्या बिजागरीवर किंवा चॅनेलवर घासल्याने घर्षण कमी होते. त्यानंतर दरवाजे आणि खिडक्या अगदी सहजपणे आणि विनाआवाज उघडल्या जातात.
